PPN – Embaixador Portugal Deskute Relasaun Servisu

DILI, STLNEWS.co – Prezidende Parlamentu Nasional (PPN), Aniceto Guterres, halo enkontru ho Embaixador Portugal iha Timor Leste (TL), José Machado Vieira, hodi koalia konaba kooperasaun no oinsa Portugal bele apoiu Parlamentu Nasional.

Dehan Prezidente Parlamentu Nasional (PPN), Aniceto Guterres ba jornalista, iha PN, Dili, Sesta (05/03/2021).

“Hau mak konvida Embaixador Portugal mai iha Parlamentu Nasional hodi koalia konaba apoiu no kooperasaun Portugal nian mai iha Parlamentu, tanba rai neebe besik liu ba TL nee maka Portugal no sira hatudu duni sira nia apoiu, no ita mos ligasaun diak iha area barak, tan nee ohin ami koalia barak liu konaba Parlamentu TL no Asembleia da Republika Portuguesa nian,” dehan Prezidente Parlamentu Nasional, Aniceto.

Nia afirma, TL nia dezafiu boot ida maka rekursu umanus, hanesan mos iha Parlamentu Nasional, tan nee kooperasaun neebe durante nee Parlamentu Nasional ho Asembelia halo nee lao diak tebes, tan nee hakarak alarga diak liu tan iha area rekursu umanus nian no oinsa atu fasilita bolsu estudu ruma ba funsionariu Parlamentu Nasional.*

Reportajen: Madalena Horta/ Guilhermina Franco/Domingas Soares
Editora: Carme Ximenes

LEAVE A REPLY

Please enter your comment!
Please enter your name here