PPN Fila Tama Kuarentena Laiha Implikasaun Ba Funsionamentu PN

DILI, STLNEWS.co – Relasiona ho viajen Prezidente Parlamentu Nasional (PPN) Aniceto Longuinhos Guterres Lopes ho ekipa ba Austria, bainhira fila mai Timor Leste halo kuarentena loron 14 laiha implikasaun ba funsionamentu PN.

“Iha nee iha hela Vise Prezidente neebe simu hela despaisu ida hanesan Prezidente em ezersisiu neebe halo servisu ida nee, neebe laiha konsekuensia ruma negativamente ba funsionamentu parlamentu bainhira Prezidente Parlamentu tama hela iha kuarentena loron 14 hodi kumpre regras husi Organizasaun Mundial Saude no Ministeriu Saude nian, para atu asegura covid,” lia hirak nee hato’o husi Vise Prezidente Bankada CNRT, Deputadu Patrocino Fernandes ba jornalista sira iha PN, Segunda (13/09/2021).

Nia dehan, bainhira Prezidente Parlamentu antes atu sai nee, nia sukat hotu ona konsekuensia sira nee.

Nia haktuir tan, diak liu tama iha kuarentena no nia latama no lamai iha parlamentu mos laiha implikasaun ba funsionamentu parlamentu, tanba iha Vise Prezidente para halo hela nia knaar interinamente.

Nunee mos Deputada Bankada FRETILIN, Lidia Norberta, dehan Prezidente Parlamentu Nasional fila husi Austria nia sei kumpre regras husi Organizasaun Mundial Saude no Ministeriu Saude hodi tama kuarentena.

“Iha loron 15, Prezidente Parlamentu to’o nia sei tama iha kuarentena, tanba nee maka ohin sesaun lejislativa foun iha kuarta sesaun lejislativa kuandu hahu laiha Prezidente Parlamentu la hahu nee lae, maibe iha Vise Prezidente Parlamentu hodi kontinua halao servisu,” tenik nia.*

Reportajen: Natalina Lopes/Domingas Soares
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL Setembru: Kazu Pozitivu 32 & Rekuperadu 83

DILI, STLNEWS.co - Sentru Integradu Jestaun Krize (SIJK) ohin relata kazu pozitivu iha ema nain 32 no rekuperadu hamutuk 117. "Kazu detetadu foun neebe relata ohin loron...

MTKI Loke Kompetisaun Pintura

DILI, STLNEWS.co - Ministeriu Turizmu Komersiu no Industria (MTKI), liu husi Diresaun Nasional Emprendismo ba Atividade Produtus Turistiku organiza kompetisaun pintura ba joven sira. Grupu...

Remata Nia Misaun Iha TL, Sitorus Despedida Ho WNI

DILI, STLNEWS.co – Embaixador Indonezia ba Timor Leste (TL), Sahat Sitorus ho nia espoza Bintang Vera C. Sitanggang, neebe durante tinan 4 ho balun...
%d bloggers like this: