PPN Hanoin Hikas Eroi no Martires

DILI, STLNEWS.co – Prezidente Parlamentu Nasional (PPN), Aniceto Guterres, hatete selebrasaun loron FALINTIL ba dala 46 hanesan mos selebra vida kombatente ba libertasaun Nasional, no hanoin hikas erois no martires sira neebe fo aan tomak ba libertasaun no independensia.

Prezidente Parlamentu Nasional hato’o lia hirak nee liu husi diskursu hafoin selebrasaun loron FALINTIL ba dala 46 iha Kuartel Jeral Fatuhada, Sesta nee (20/08/2021).

“Aniversariu FALINTIL ba dala 45, ho selebrasaun ida nee, ita selebra mos vida kombatente ba libertasaun nasional ida – idak nian, no hanoin hikas erois no martires sira nian, feto no mane neebe fo an tomak ba Libertasaun no Independensia Patria Timor-Leste,” dehan Aniceto Guterres.

Prezidente Parlamentu Nasional nee dehan, bainhira invazaun Indonezia akontese iha loron 7 fulan Dezembru 1975, FALINTIL hametin-an liu tan, nuudar forsa defeza nasional no oferese rezistensia tuir nia kapasidade.

Durante tinan rua nulu resin haat, FALINTIL uza estratejia oin – oin hodi kontinua funu ho lema “MATE KA MORIS, UKUN RASIK AN”. Povu identifika-an ho FALINTIL tanba  FALINTIL hamriik ho povu nia oan sira, tamba forsa rua nee inspira no apoia malu, rezistensia metin ba bebeik tinan ba tinan ho partisipasaun Timoroan sira no apoiu husi komunidade internasional, lori Timor-Leste to’o hetan Ukun rasik an.

Nia konta hikas,  loron 11 fulan Agostu too meadus fulan Setembru tinan 1975 no akontesimentu sira mosu tuir mai, husik hela memoria moruk lubuk ida entre Timoroan sira neebe rejista ona iha relatoriu Comissão de Acolhimento, Verdade e Reconciliação (CAVR) no rekomendasaun lubuk ida konaba periodu nee.

Nia hatete, estadu Timor Leste halo esforsu barak ona hodi rekonese no valoriza sakrifisiu husi erois no martires patria, no halo esforsu dadaun hodi dignifika liutan vida kombatente sobrevivente sira nian neebe validadu ona, liu husi pagamentu pensaun no subsidiu, harii uma, tratamentu saude, atribuisaun bolsas estudu ba oan sira, no benefisiu sira seluk.

Konsellu Kombatentes Libertasaun Nasional halao hela verifikasaun dadus ba kombatentes neebe rejista iha tinan 2009 no ita hotu hein katak iha tempu badak sei remata servisu boot ida nee.*

Reportajen: Santina Castro

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL Setembru: Kazu Pozitivu 32 & Rekuperadu 83

DILI, STLNEWS.co - Sentru Integradu Jestaun Krize (SIJK) ohin relata kazu pozitivu iha ema nain 32 no rekuperadu hamutuk 117. "Kazu detetadu foun neebe relata ohin loron...

MTKI Loke Kompetisaun Pintura

DILI, STLNEWS.co - Ministeriu Turizmu Komersiu no Industria (MTKI), liu husi Diresaun Nasional Emprendismo ba Atividade Produtus Turistiku organiza kompetisaun pintura ba joven sira. Grupu...

Remata Nia Misaun Iha TL, Sitorus Despedida Ho WNI

DILI, STLNEWS.co – Embaixador Indonezia ba Timor Leste (TL), Sahat Sitorus ho nia espoza Bintang Vera C. Sitanggang, neebe durante tinan 4 ho balun...
%d bloggers like this: