PR: 30 de Agostu “Brani” Determina Povu Hakat Votasaun

Prezidente Republika (PR) Francisco Guterres Lú Olo (Photo: Media PR)

DILI, STLNEWS.co – Loron 30 de Agostu tinan 1999, mak hatudu brani no determina povu hakat ba fatin votasaun, ema ida votu ida ho rejultadu referendum ba mehi ukun rasik aan.

Kestaun nee hatoo husi Prezidente Republika Francisco Guterres Lú Olo, ba jornalista sira iha Palasiu Prezidente, Bairru Pite, Sesta (28/08/2020).

“Povu doben Timor-Leste, iha 30 Agostu 1999, ho brani no determinasaun, ita-nia povu hakaat ba fatin votasaun. Ema ida, votu ida, Ita liu rihun atus tolu, iha fatin-fatin, ita hili, liu husi votu sekretu, lakoi autonomia ho Indonezia. Ho rezultadu referendum, mehi ukun rasik-an sai tebes duni bainhira ita rrestaura ita-nia Independensia, iha 20 Maiu 2002.” hatete Prezidente Republika Lú Olo.

PR dehan Referendu nee mosu nuudar rezultadu husi luta rasik atu hatuur Timor-Leste nuudar nasaun livre no independente.

“Tebes duni katak referendum 1999, neebe organiza husi Nasoins Unidas, mak fo dalan ba ita tama iha Nasoins Unidas, nuudar nasaun ho direitu hanesan ho nasaun sira seluk. Ita hahu ita-nia luta Libertasaun Nasional iha 1974 ho apoiu metin husi belun sira iha eis-kolonia Portugal nian iha Afrika no husi belun sira iha Australia, Azia, Europa, Amerika no Pasífiku. Neineik-neineik apoiu nee sai boot ba beibeik iha mundu tanba ita kaer metin ita-nia mehi ukun rasik-an. Ita manan ita-nia luta, hafoin luta naruk no susar, ho ita-nia kbiit rasik.” hatete PR Lú Olo.

Xefe Estadu hatete Timor organiza aan ba luta ho komponente tolu, Armada, Klandestina, no Diplomatika/ Esterna.

Hatutan pajina 2

LEAVE A REPLY

Please enter your comment!
Please enter your name here