DILI, STLNEWS.co – Prezidente Republika (PR) Jose Ramos Horta apoiu sasan ou kios ba joven Liticia Soares, neebe hela besik iha Universidade da Paz (UNPAZ) hodi sustenta aan no familia.
Iha biban nee, Xefi Kaza Sivil Prezidensia Republika Bendito Freitas liu husi nia aprezentasaun iha UNPAZ, Kinta (27/04/2023) hatete, prezidente tau matan ba Liticia nudar jestu domin avo ba bei-oan.
“Ita nia prezidente tau matan ba ita nia bei-oan LetÃcia nee hanesan jestu sinal domin husi avo ba nia bei-oan, mezmu nudar kargu numeru 1 iha ita nia nasaun, maibe nia sentidu humanu no karizma domin nee forti tebes, tanba LetÃcia ho korajen no buka dalan hodi too iha palasiu hasoru Avo Horta, ikus mais hetan naroman hodi tulun ninia pasu hodi hakat ba oin,” dehan Xefi Kaza Sivil nee.
Nia hatutan, ajuda US$ 200 ne’e kiik oan, maibe husi sasan neebe nia faan foin semana rua hetan nia funan US$ 200, ida nee sei metin diak liu tan.
Nia hatutan, iha fatin balun Sosiedade Sivil identifika situasaun sÃra neebe susar no hatoo relatoriu ba prezidente, maibe prezidente haree tuir kbiit finanseiru neebe iha bele ajuda no kuandu prezidente Republika kbiit la too sira submete karta ba governu bele tau matan ba sÃra.
“Sei hato’o ba Prezidente Republika, nunee nia husu mos LetÃcia iha tempu ruma bele hakat ba palasiu prezidensial hodi hasoru Prezidente Republika,” katak nia.
Iha fatin hanesan, Benifisiariu LetÃcia Soares hatoo agradesimentu ba Grupu Filmaker no Prezidente Republika inklui ekipa prezidensial neebe apoiu nia iha atividade sira.
“Hau agradese ba Grupu Voluntariu Filmaker “New Jeneration” promove hau liu husi filmajen badak faan kripik iha aredores UNPAZ, tanba sÃra mak ohin hau hetan tulun ida nee. Hau hatoo agaradesimentu ba Prezidente Repúblika nia apoiu osan US$ 200 hodi loke kios nee hatutan hau nia moris,” haktuir nia.
(eme)
