PR Dekreta EE Ba Dala 14

DILI, STLNEWS.co – Prezidente Republika, Francisco Guterres Lú Olo, liu husi Dekretu Prezidente Republika numeru 35/2021 iha 28 Maiu 2021, dekreta Estadu Emerjensia dala sanuluk-resin-haat (14) ba loron loron tolu-nulu (30) tan.

Liu husi karta komunikadu imprensa neebe STL asesu husi Media PR, Kuarta (02/06/2021) hatete, estensaun no deklarasaun ba Estadu Emerjensia (EE) mai ho fundamentu iha subsistensia ba situasaun kalamidade publika.

Prezidente Republika dekreta Estadu Emerjensia hafoin pedidu estensaun aprova iha Parlamentu Nasional. Molok nee, Konsellu Superior Defeza no Seguransa no Konsellu Estadu husu Prezidente Republika haruka pedidu autorizasaun ba Parlamentu Nasional estensaun Estadu Emerjensia ba dala-14 .

Tanba tuir karta komunikadu imprensa nee katak, iha Timor-Leste kazu konfirmadu ho Covid-19 ho numeru akumuladu hamutuk 7.161 desde Marsu 2020, kazu ativu 2.630 no rejista mate nain 16. Haree ba numeru kazu Covid-19 neebe aumenta husi loron ba loron, Estadu kontinua foti medidas prevensaun no kombate kontajiu virus SAR-CoV-2. Deklarasaun estadu emerjensia sei abranje territoriu nasional tomak.

Estadu Emerjensia sei parsialmente suspende direitus ba sirkulasaun internasional, liberdade sirkulasaun no fixasaun rezidensia, direitu reuniaun no manifestasoins, liberdade ba kultu, direitu ba edukasaun no direitu propriedade, direitu ba rezisténsia, no inisiativa ekonómika privada.

Karta komunikadu imprensa nee haktuir, autoridades publikas kompetentes sei impoin medidas importante hodi prevene importasaun estirpes foun SARS-CoV-2 ba territóriu nasionál no permite kontensaun no nia alastramentu entre populasaun liu husi dalan taka fronteiras, bandu estranjeiru sira mai territóriu nasionál, estabelesimentu regras distansiamentu sosial, impozisaun ba obrigasaun halo teste, izolamentu ba pasiente infetadu, konfinamentu domisiliariu no determinasaun serkas sanitarias.

Desde fulan Marsu 2020, hafoin rejista kazu konfirmadu ida ho SARS-CoV-2, Timor Leste implementa kedas estadu emerjénsia atu fó kbiit ba Governu atu foti medidas prevensaun no kontrolu hodi hases sidadaun hotu-hotu husi kalamidade públika ne’ebé bele mosu husi moras Covid-19.

Entretantu Estadu Emerjensia dala sanuluk-resin-haat (14) ba loron
tolu-nulu (30), hahu husi tuku 00.00 iha 2 Juñu 2021 (Kuarta-feira) no termina iha tuku 23.59 iha 1 Jullu 2021 (Kinta-feira).*

Reportajen: Emerenciana Pinto
Editora: Carme Ximenes

LEAVE A REPLY

Please enter your comment!
Please enter your name here

NEWS UPDATE

Harii Federasaun Tenke Prepara Kondisaun

DILI, STLNEWS.co - Sekretariu Estadu Juventude No Desportu (SEJD), hatete harii federasaun tenke prepara mos kondisaun hanesan tenke iha atleta no treinador rasik. Lia hirak...

SEJD Enkontru Ho Lider Artemarsiais

DILI, STLNEWS.co - Sekretariu Estadu Juventude no Desportu (SEJD), halao enkontru ho lider artemarsiais sira iha Timor Leste, kona ba rekezitus artemarsiais nian neebe...

Lori Maromak Nia Domin Ba Ema Hotu

DILI, STLNEWS.co - Nuudar sarani neebe diak iha moris, tenke sai valeta ba ema hotu, atu lori Maromak nia grasa no domin ba maun...
%d bloggers like this: