PR Dekreta EE Dala Neen

Prezidente Republika (PR) Francisco Guterres Lú Olo. (Photo: Media PR)

DILI, STLNEWS.co – Prezidente Republika Francisco Guterres Lú Olo ohin dekreta ona Estadu Emerjensia ba ala neen.

Liu Husi komunikadu imprensa neebe mak STL asesu husi Media PR, Sabadu (03/10/2020), hatete Prezidente Republika, Francisco Guterres Lú Olo, ohin 3 Outubru 2020, dekreta estadu emerjensia dala neen ba loron loron tolu-nulu (30), hahu husi tuku 00.00 iha 5 outubru 2020 (segunda feira) no termina iha tuku 23.59 iha 3 novembru 2020 (tersa feira). Deklarasaun estadu emerjensia sei abranje territoriu nasional tomak.

Prezidente Republika dekreta estadu emerjensia hafoin Parlamentu Nasional, ohin 3 outubru, fo autorizasaun ba renovasaun.

Deklarasaun estadu emerjensia sei parsialmente suspende no limite direitu ba sirkulasaun internasional, liberdade sirkulasaun no fixasaun rezidensia iha pontu hotu-hotu iha territoriu nasional no direitu ba rezistensia.

Membru Konsellu Superior Defeza no Seguransa no Konsellu Estadu, iha 30 Setembru, rekomenda ba Prezidente Republika atu hatoo mensajen ba Parlamentu Nasional husu autorizasaun ba renovasaun estadu emerjensia tuir pedidu husi Governu.

Desde fulan Marsu, Covid-19 nuudar moras importadu, Timor-Leste implementa kedas estadu emerjensia bainhira rejista kazu pozitivu ida.

Implementasaun estadu emerjensia nuudar medidas preventiva no kontrolu Covid-19 atu hases sidadaun hotu-hotu husi kalamidade publika.

Husi kedas fulan Marsu 2020 too ohin loron, Timor-Leste rejista kazu pozitivu nain-ida no nain-27 rekuperadu.

Reportajen: Emerencian Pinto
Editor: Ekipa STL

LEAVE A REPLY

Please enter your comment!
Please enter your name here