PR Dekreta Hakoi Deputadu Guntur Iha Jardim Metinaro

Prezidente Republika (PR) Francisco Guterres Lú Olo dekreta ona hakoi Deputadu Sabino Soares Guntur iha Jardim Dos Herois Da Patria Metinaro. (Foto: Media PR)

DILI, STLNEWS.co – Prezidente Republika (PR) Francisco Guterres Lú Olo dekreta ona hakoi Deputadu Sabino Soares Guntur iha Jardim Dos Herois Da Patria Metinaro.

Liu husi Komunikadu Imprensa neebe mak STL asesu husi Media PR, Kinta (28/01/2021) hatete PR dekreta ona Atu hakoi Deputadu iha Jardim Heroi Metinaro.

Prezidente Republika, Francisco Guterres Lú Olo, dekreta atu hakoi Sabino Soares “Guntur” iha Jardim dos Herois da Patria iha Metinaro nuudar rekonesimentu no valorizasaun ba Kombatente Libertasaun Nasional ba ninian kontribuisaun iha luta ba independensia nasional.

“Liu husi Dekretu Prezidente Republika numeru 5/2021, publika horseik, iha Jornal da Republika, haree ba Comissão de Homenagem, Supervisão de Registo de Recursos (CHSRR) autoriza ba realizasaun honras funebres no hakoi iha “Jardim dos Herois da Pátria” Díli, iha Metinaro.” Katak nia.

Prezidente Republika, tuir alinea f) husi artigu 23 Estatutu Kombatentes Libertasaun Nasional, atribui Kombatente Libertasaun Nasional ba Sabino Soares “Guntur” ba ninia kontribuisaun iha periodu Luta Libertasaun Patria hodi hetan direitu ba honras fúnebre no hakoi iha “Jardim dos Herois da Pátria” Díli, iha Metinaro.*

Reportajen: Emerenciana Pinto
Editor: Ekipa STL

LEAVE A REPLY

Please enter your comment!
Please enter your name here