PR Dekreta Saudozo Mauhuno Hakoi Iha Semiteriu Espesial

DILI, STLNEWS.co – Prezidente Republika Francisco Guterres Lú Olo, liu husi Dekretu Prezidente Republika numeru 80/2021, 27 Setembru, dekreta estadu fo onra funebre no hakoi António João Gomes da Costa ‘Ma’huno Bulerek Karatayano’ iha semiteriu espesial, iha Jardim dos Herois da Patria Metinaro.

Liu husi komunikadu ne’ebé mak STL asesu Segunda kalan (27/09/2021), dekretu Prezidente Republika ne’ebé publika ohin, iha Jornal da Repúblika hatete, Konstituisaun konsagra rekonesimentu no valorizasaun ba rezistensia sekular povu maubere kontra dominasaun estranjeira no kontributu ema hotu – hotu, neebe luta ba independensia nasional. Lei konaba Estatutu Kombatentes Libertasaun Nasionál reafirma vontade atu fo omenaje ba esforsu sira, ne’ebé manifesta husi Kombatentes Libertasaun Nasional iha luta ba independensia nasional.

PR hatete, haree ba kontribuisaun ba Luta Libertasaun Pátria, Conselho dos Combatentes da Libertacão Nacional (CCLN) autoriza António João Gomes da Costa ‘Mauhuno Bulerek Karatayano’ iha diretu, atu hetan onras fúnebre no hakoi iha semitériu espesiál “Jardim dos Herois da Pátria” Metinaro, nuudar Kombatentes Libertasaun Nasional.

“Mahuno Bulerek Karatayano nia kontribuisaun iha Luta Libertasaun Patria, nuudar Fundador ASDT, membru Comite Central FRETILUN, Chefe Conselho Político Militár Frente Armada, Secretário da Comissão Diretiva da FRETILIN, Comandante das FALINTIL, Secretario Região 3, líder ida ne’ebé inspira no besik tebes ba foin sa’e klandestina sira iha vila laran, iha Timor-Leste no iha Indonezia.

José António Gomes da Costa Mauhuno Bulerek Karatayano moris iha loron 14 fulan Abril tinan 1949. Iha loron 24 fulan Setembru tinan 2021 nia iis kotu iha Hospital Nasionál Guido Valadares (HNGV), tanba moras stroke.*

Reportajen: Emerenciana Pinto

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 20 Outubru: Kazu Foun Hamutuk 16

DILI, STLNEWS.co - Ohin loron Sentru Integradu Jestaun Krize (SIJK) rejistu kazu foun hamutuk 16, iha Dili 14 no munisipiu seluk iha nain 2. "Kazu...

Membru F-FDTL Foun Ida Halai Lakon

DILI, STLNEWS.co - Membru foun FALINTIL Forsa Defeza Timor Leste (F-FDTL) ida ohin halai lakon iha sentru formasaun Metinaro tanba la augenta ho instrusaun...

Maromak La Dukur Ba Nia Ema

DILI, STLNEWS.co - Maromak mak iha kbiit tomak sempre akompanha ema hotu iha tempu saida deit no nunka dukur ba ema, tanba ne'e presiza...