PR Fo Indultu Ba Prizoneiru Nain 15

DILI, STLNEWS.co – Prezidente Republika Francisco Guterres Lú Olo fo indultu ba prizoneiru nain 15.

Liu husi komunikadu neebe STL asesu husi Media PR, Kuarta (19/05/2021) hatete, Prezidente Republika (PR) Francisco Guterres Lú Olo, ezerse ninia kompetensia konstitusional hodi fo indultu ba prizoneiru nain 15 iha loron selebrasaun Restaurasaun Independénsia Timor Leste ba dala-19.

Liu husi Dekretu Prezidente Republika neebe publika iha Jornal Republika iha loron 19 maiu 2021, ho numeru 25/2021, 26/2021, 27/2021, 28/2021, 29/2021, 30/2021, prizoneiru nain 6 hetan liberdade total, prizoneiru nain 4 hetan indultu parsial fulan 6 husi pena prizaun liu husi dekretu Prezidente Republika numeru 31/2021, no prizoneiru nain 5 hetan indultu parsial ho metade pena prizaun liuhusi Dekretu Prezidente Repúblika númeru 32/2021.

Xefe Estadu uza nia kompetensia eskluziva fo liberdade total ba Francisco de Araújo, Thomas Freitas Martinho, Anacleto dos Santos, Mário Pereira da Costa, Adolfo Assunção de Jesus no Jaime Amaral Ximenes. Indultu parsial ba prizioneirus hodi hamenus pena fulan-6 ba Elvis Hornai da Cruz, José Fernandes, Renato Hornai da Cruz no Tiago Soares Almeida. Ba prizoneirus Arminda Soares, Geremias Sequeira Andrade, Henrique dos Santos, Ivo Soares no José dos Santos hetan indultu parsial ho metade pena. Dekretu Prezidente sira nee sei tama iha vigor iha 20 maiu 2021.

Tuir artigu 85, alinea 1 husi Konstituisaun Republika hateten katak Prezidente Republika deit mak bele fo indultu ka hamenus kastigu, depois de rona Governu neebe konjuga ho artigu 3 no 4 Lei numeru 5/2016, 25 maiu.

Definisaun saida mak indultu no hamenus kastigu haktuir iha Kodigu Penal neebe aprova ho Dekretu-Lei numeru 19/2009 no Lei numeru 15/2016 mak regula kondisaun no prosedimentu atu fo indultu ka hamenus kastigu. Prezidente Republika halo nia kompetensia tuir deit lei haruka.

Fo indultu no komutasaun ba pena ba prizoneiru sira nudar kompetensia eskluziva Prezidente Republika nia tuir artigu 85 Konstituisaun no Kodigu Penal no Lei numeru 5/2016. Ba krime organizadu, krime transnasionais, terorismu, tráfiku umanu, korupsaun ativa maski kumpre tiha ona um tersu pena maibe lei bandu atu fo indultu. Ba krime sira neebe la grave, hafoin kumpre um tersu pena, Prezidente Republika bele fo indultu. Prezidente Republika bele fo indultu ho razaun umanitaria ninian.*

Reportajen: Emerenciana Pinto
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Aimoruk La Too, Komunidade Buruma Balun La Vasina

BAUCAU, STLNEWS.co - Komunidade iha Suku Buruma antusiasmu tebes atu simu vasina kontra Covid-19, maibe aimoruk la sufisiente, nunee balun deit mak simu vasina...

Reativa Eskola Iha Baucau Sei Marka Audensia Ho MEJD

BAUCAU, STLNEWS.co - Diretor Servisu Munisipal Edukasaun, Juventude, no Desportu (SMEJD) Baucau, Segunda semana oin sei marka audensia ho Ministeriu Edukasaun, Juventude, no Despostu...

Komunidade Hakbesik An Ba Parte Saude Hodi Simu Vasina

DILI, STLNEWS.co - Komunidade aldeia hat iha Suku Zulo, Postu Administrativu Zumalai, Munisipiu Covalima hakbesik an ona ba saude hodi simu vasina doze primeiru...
%d bloggers like this: