PR Fo Pose Ba Adjuntu PJR

DILI, STLNEWS.co – Prezidente Republika (PR) Francisco Guterres Lú Olo fo pose ba Adjuntu Prokurador Jeral Republika, Remizia de Fatima da Silva.

Liu husi diskursu, Prezidente Republika Francisco Guterres Lú Olo iha Palasiu Prezidente Bairru Pite, Sesta nee (05/11/2021) hatete, Konstituisaun Republika Demokratika Timor Leste (K-RDTL) fo kompetensia ba Prezidente Republika atu nomeia no ezonera adjuntus ba Prokurador Jeral Republika, hafoin rona Konsellu Superior Ministeriu Publiku, liu husi artigu 86 alínea 1 no artigu 133 no. 6.

Norma konstitusional sira nee tama iha artigu 14 no 84 Estatutu Ministeriu Publiku nian (Republikasaun Lei no. 14/2005 husi loron 16 fulan Setembru, haktuir alterasaun dahuluk ba Lei no. 11/2011, 28 Setembru), neebe hatuur rejime legál ba nomeasaun adjuntu sira ba Prokurador Jeral Republika.

Prezidente Republika iha kbiit atu hili Adjuntu ba Prokurador Jeral Republika husi lista majistrada ka majistradu Ministeriu Publiku ho kategoria primeira klase, tuir rekezitu legal sira neebe mak hatuur ona no tuir mos artigu 14 husi Estatutu Ministeriu Publiku.

“Hau hakarak fo sai katak, Ministeriu Publiku nia modelu organizasaun ho estrutura hierarkia ida neebe hatan ba Prokurador Jeral Republika, tuir artigu 133 Konstituisaun Republika haruka. Tanba Ministeriu Publiku organiza an tuir hierarkia ida, Prokurador Jeral Republika hatan ba Prezidente Republika no mos ba Parlamentu Nasional,” dehan PR.

Estatutu Ministeriu Publiku haktuir Konstituisaun hatuur katak, Adjuntu Prokurador Jeral Republika mak iha kompetensia atu koadjuva no substitui (hola fatin) Prokurador Jeral Republika. Adjuntus Prokurador Jeral Republika deit mak bele kaer knaar aas nee iha diresaun Ministeriu Publiku nian, nomos  knaar sira seluk neebe Prokurador Jeral Republika bele delega ba sira tuir lei haruka.

Xefe estadu hatutan, haree ba prosedimentu hatuur iha konstituisaun mak PR hili majistrada Ministeriu Publiku nian, Remízia de Fátima da Silva nuudar Adjunta ba Prokurador Jeral Republika.

(eme)

LEAVE A REPLY

Please enter your comment!
Please enter your name here

NEWS UPDATE

Analfabetu Oan Sai Doutoramentu

DILI, STLNEWS.co – Maluk letores sira, serimonia Solene Graduasaun Dili Institute of Technology (DIT) ba dala XIV periodu tinan 2021, konvida ita atu konese...

Dr. Peregrinus D. Siga Taa, M. Eng: Kualidade Servisu Infrastrutura Publiku Fraku

DILI, STLNEWS.co – Dekanu Fakuldade Enjeñaria no Siensia Dili Institute of Technology (DIT), Dr. Peregrinus D. Siga Taa, M.Eng, hatete, kualidade servisu infrastrutura publiku sei...

DIT Gradua Finalista 543 Inklui MBA Nain 6

DILI, STLNEWS.co – Dili Institute of Tecnhology (DIT) Segunda nee (29/11/2021) halao serimonia graduasaun ba dala XIV periodu tinan 2021, ho graduadus hamutuk ema...