PR Fo Pose Ba Embaixador Nain 5

DILI, STLNEWS.co – Prezidente Republika Francisco Guterres Lú Olo fo pose ba embaixador nain lima (5), neebe mak sei halao knaar iha nasaun lima (5), hanesan Béljika, Tailándia, malázia, Indonezia no Moçambique.

Prezidente Republika Francisco Guterres Lú Olo, iha serimonia tomada de posse hatete, nasaun diplomatika iha tasi balun tenke korresponde ho nesesidade interna nasaun ninian.

Xefe Estadu fo pose ba Embaixador Timor Leste nian ba Reinu Tailandia, Juvêncio de Jesus Martins, Reino Béljika Jorge Trindade Neves de Camões, Republika Indonézia Filomeno Aleixo da Cruz, Republika Mozambique Francisco Miranda Branco no ba Malazia Joana Veneranda Amaral.

Foto: Media PR

“Asaun diplomatika, dezenvolve iha nasaun idak – idak, tenke korresponde ba nesesidades interna ita nia nasaun. Nasaun investe iha diplomasia fatin ida razoavel husi Orsamentu Jeral Estadu (OJE). No sai óbviu katak, ida nee ezije autor sira diplomatas, fo enfaze ba embaixador sira atu kumpre sira nia misaun,” dehan Prezidente Republika liu husi diskursu iha Palasiu Prezidente, Sesta nee ( 09/10/2021).

Nia hatete, nomeasaun ba embaixador sira hatudu konfiansa Prezidente Republika nian, no governu neebe fo empossada. Prezidente Republika fiar katak, ho orientasaun husi Ministeriu Negosius Estranjeirus, embaixador sira sei esplora oportunidade iha Nasaun idak – idak ba benefisiu Timor Leste.

Embaixador Juvêncio de Jesus Martins diplomata karreira, uluk sai Embaixador Timor-Leste nian ba Malázia, nomos akreditadu ba Vietnam no Myanmar. Ikus liu sai Embaixador Timor-Leste nian ba Filipina. Embaixador ezerse funsoens diplomatikas iha Indonezia.

Embaixador Jorge Trindade Neves de Camões, diplomata karreira. Sai jovens diplomata nain tolu dahuluk nian iha Timor-Leste, destaka iha Jakarta, Indonezia, hafoin referendu iha 1999. Ezerse funsoens oin – oin iha MNEC no funsoens servisu periferikus esternus. Sai Sekretariu Jeral MNEC ba dala rua. Nomeadu ba Embaixador Timor-Leste nian iha Vietnam, ba tinan haat. No iha koñesimentu klean ba asuntu ASEAN nian.

Embaixador Filomeno Aleixo da Cruz, sai Embaixador Timor-Leste nian ba Japaun husi 2016-2019. Sai Vise-Ministru Administrasaun Estatal husi I no II Governu Konstitusional. Formador ba kuadrus, konsultor no fasilitador ba asaun formasaun iha Institutu Republikanu Internasionál husi Estadus Unidus.

Embaixador Francisco Miranda Branco, hahu envolve iha atividade polítika ho otas nurak tebes, hafoin revolução dos cravos akontese iha Portugal 1974. Kompleta nia estudu iha Liceu  Dr. Francisco Machado no hahu servisu nuudar funsionariu publiku iha Serviços de Planeamento Económico e Estatística, Provinsia Ultramarina Timor. Dezde tinan 2001 nuudar deputadu asume responsabilidade oin – oin.

Embaixadora Joana Veneranda Amaral, envolve barak iha kampu edukasaun nian. Envolve iha projetus neebe iha relasaun ho Timor-Leste no Japaun, iha ambitu Centro Cultural Timor-Leste-Japaun. Sai profesora iha eskola sekundaria Fuiloro no Diretora Administrasaun, no Jestora Rekursu Korporativas ba empreza Konsultadoria.

Nunee mos Vice Ministru Negosiu Estranjeiru No Koperasaun (MNEK) Juliao da Silva hatete, ohin Prezidente Republika fo pose ba embaixador nain lima (5), hodi bele ba halao misaun iha nasaun lima.

Foto: Media PR

“Ohin Prezidente Republika fo pose ba embaixador designadu nain lima (5), hanesan ita boot sira akompana ba iha Béljika, Tailândia, Malazia, Indonezia, Moçambique. Nasaun sira nee, iha ita nia relasaun bilaterais ho sira, no ita laos foin halo relasaun ho sira, depois ita ukun an mos ita nasaun sira balun, apoiu ita iha tempu rezistensia, hanesan Moçambique neebe apoiu tebes momentu TL iha rezistensia nomos ba sira seluk,” dehan nia.

Nia hatutan, embaixador sira neebe mak ohin simu pose, balun sei desloka iha semana ida nee, balun semana oin, balun sei hein karta kredensial husi nasaun neebe mak sira designadu ba, nunee sira bele ba halao sira nia atividade.*

Reportajen: Emerenciana Pinto

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Vasina Pfizer Importante Ba Labarik Sira

DILI, STLNEWS.co – Tuir Ministra Saude Odete Maria Freitas Belo dehan, labarik sira presiza simu vasina Pfizer nee, tanba importante tebes hodi bele prevene moras...

Update Covid-19 TL 27 Outubru: Kazu Pozitivu 7 & Rekuperadu Nain 3

DILI, STLNEWS.co – Ohin loron 27 fulan Outubru tinan 2021, liu husi Centro Integrado Gestão de Crises, Sala Situação (CIGC-SS) rejistu tan kazu konfirmadu...

Estudante ESJ Simu Ona Vasina Pfizer

DILI, STLNEWS.co – Eskola Ensinu Sekundariu Jeral (ESJ) 4 Setembru simu ona vasina Pfizer ba doze primeiru, atu nunee bele halo prevensaun ba Covid-19. Informa...