PR Halo Reuniaun Ho KSDS – KE

DILI, STLNEWS.co – Prezidente Republika (PR), Francisco Guterres Lú Olo halo reuniaun ho Konsellu Superior Defeza no Seguransa (KSDS) ho Konsellu Estadu (KE), hodi rona opinaun hotu antes deside estende estadu emerjensia (EE) ba dala 14.

Bainhira remata enkontru ho konsellu rua, Asesor Prinsipal Palasiu Prezidensial, Gregorio Sousa Ba jornalista iha Palasiu Prezidente Bairru Pite, Kuarta (26/05/2021) hatete, PR simu pedidu husi Governu atu estende estadu emerjensia, tanba nee mak ohin halo reuniaun ho konsellu rua.

“Prezidente Republika simu pedidu husi Governu atu renova estadu emerjensia, ohin reuniaun rua mak Konsellu Superior Defeza no Seguransa no Konsellu Estadu, sira iha unanimidade sira deside tan estadu emerjensia, agora medida ba implementa nee Governu mak sei deside,” katak Asesor Politiku nee.

Gregorio hatutan, medidas nee Governu mak foti no Prezidente Republika laiha komentariu, nee kompetensia Governu nia no Prezidente laiha opinaun.

“Sira la koalia, buat sira nee aprova Prezidente Republika husu pedidu estadu emerjensia ba Parlamentu Nasional, depois mak Governu haree sa medidas mak bele implementa domisiliar, serka sanitaria kalae, tanba governu mak sei tetu didiak,” katak nia.

Nia hatutan, ohin sei haruka pedidu ba Parlamentu Nasional no Sesta Feira Parlamentu Nasional sei deskute kona ba estende estadu emerjensia.*

Reportajen: Emerenciana Pinto
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun; EP1

STLNEWS.co – Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun • EPISODE 1: Drama Kakaluk Ba Corona https://youtu.be/VQBkF8ES8GE • Mensagen Avo Ramos Horta https://youtu.be/YPnLzaLb43E Ministério...

Odete: Pasiente Kuarentena Tasi-Tolu La Konkorda Desizaun MS Haketak Feto & Mane

DILI, STLNEWS.co - Ministra Saude, Odete Maria Freitas Belo afirma, fatin izolamentu Tasi-tolu, Ministeriu Saude (MS) koko atu izola feto ketak no mane ketak,...

Joven Baucau Komesa Hakribi Violensia

BAUCAU, STLNEWS.co - Kazu sivil neebe mak sempre mosu la sai preokupasaun estabilidade seguransa Munisipiu Baucau nian, tanba joven barak komesa komesa hakribi violensia. Lia...
%d bloggers like this: