PR Halo Vizita Traballu Ba Munisipiu Ermera

Prezidente Republika, Francisco Guterres Lú Olo, iha 18-19 novembru, sei halao vizita traballu iha munisípiu Ermera. (Foto: Media PR)

DILI, STLNEWS co – Prezidente Republika, Francisco Guterres Lú Olo, iha 18-19 novembru, sei halao vizita traballu iha munisípiu Ermera.

Tuir Komunikadu neebe mak STL asesu husi Media PR Tersa kalan (17/11/2020), hatete katak durante loron-rua iha Gleno, Prezidente Republika sei haree ho besik kondisaun eskola publika, sentru saude, atividade produtiva no halo dialogu hodi rona no hatan preokupasoins husi autoridade lokal no komunidade kona-ba dezenvolvimentu nasional.

PrezidenteRepublika sei vizita Grupu Produtivu Kulat, prosesamentu no distributor fini ikan, Eskola Baziku Sentral 10 Abril, Eskola Nino Konis Santana no kuda ai simbolikamente, Sentru Maternidade, Eskola Sekundaria Jeral Hélio Pina “Maukruma” no dialogu ho autoridade lokal no komunidade.

Membrus Governu neebe sei akompana Prezidente Republika mak Vise Primeiru Ministru no Ministru Planu no Ordenamentu, Ministru Koordenador Assuntu Ekonomiku, Ministru Asuntu Parlamentares no Komunikasaun Sosial, Ministru Administrasaun Estatal, Ministra Saude, Ministru Edukasaun, Juventude no Desportu, Ministru Obras Publikas, Ministru Turismu, Komersiu no Industria, Ministru Agrikultura no Peskas, Ministru Petroleu no Minerais, Sekretariu Estadu ba Formasaun Empregu, Sekretariu Estadu ba Terras e Propriedades, Sekretariu Estadu Kooperativas, Sekretariu Estadu Juventude no Desportu no Sekretariu Estadu Arte no Kultura.

Molok nee, Prezidente Republika halo ona vizita traballu iha Munisípiu Viqueque, Covalima no Lautem. Iha fulan Dezembru 2020, Prezidente Republika sei halao vizita traballu iha Munisípiu Baucau.

Reportajen: Emerenciana Pinto
Editor: Ekipa STL

LEAVE A REPLY

Please enter your comment!
Please enter your name here