PR Haruka Pedidu Renova EE Ba PN

Posibilidade Prezidente Republika Francisco Guterres Lú Olo, sei haruka pedidu renovasaun Estadu Emerjensia (EE), ba iha Parlamentu Nasional hodi diskute, atu nunee Xefe Estadu bele dekreta. (Photo: Media PR)

DILI, STLNEWS.co – Posibilidade Prezidente Republika Francisco Guterres Lú Olo, sei haruka pedidu renovasaun Estadu Emerjensia (EE), ba iha Parlamentu Nasional hodi diskute, atu nunee Xefe Estadu bele dekreta.

Kestaun nee hatoo husi Xefe Casa Sivil, Francisco Maria De Vasconcelos, ba Jornalista sira bainhira remata reuniaun, Konsellu Superior Defeza no Seguransa, iha Palasiu Prezidente Bairru Pite Tersa (01/09/2020).

Nia dehan, durante iha enkontru nee Konsellu Superior Defeza No Seguransa (KSDS), rekomenda ba Prezidente Republika Francisco Guterres Lu Olo, atu haruka pedidu ba iha Parlamentu Nasional atu deskute, tanba nee ohin ou aban PR sei haruka ba PN.

“Ohin dader Konsellu Superior Defeza no Seguransa reuniaun ho Prezidente Republika foin hotu, sira rekomenda ba Prezidente atu hatoo pedidu governu nian Parlamentu Nasional atu bele diskute, aprova depois haruka ba PR dekreta,” dehan Xefe Casa Sivil.

Francisco hatutan iha enkontru nee Konsellu Superior Defeza no Seguransa mos konkorda ho estensaun ba Estadu Emerjensia, tanba nee mak sira rekomenda Xefe Estadu atu haruka pedidu ba PN.

Nunee mos iha loron segunda Prezidente Republika halo reuniaun ho Konsellu Estadu no iha enkontru neem KE rekomenda PR haruka pedidiu ba Parlamentu Nasional atu deskute nunee Xefe Estadu bele dekreta.

Partisipante neebe mak partisipa iha Konsellu Superior Defeza No Seguransa mak hanesan Republika Francisco Guterres Lú Olo, Primeiru-Ministru No Ministru Interior Taur Matan Ruak, Ministra Negosiu Estranjeiru No Kooperasaun Maria Adalzija Magno, Ministru Defeza Filomeno Paixão, Ministru Justisa Manuel Carceres, Xefe Estadu Maior Jeneral F-FDTL Lere Anan Timur, Komisariu PNTL Faustino Da Costa No Diretor Jerál Servisu Nasional Intelijensia Manuel Serrano.

Nunee Mos Halo Parte Iha Konsellu Nee, Membru Sira Nomeadu Hosi Parlamentu Nasional Hanesan Aderito Hugo Da Costa, David Dias Ximenes, Abel Pires Da Silva. Membru Sira Nomeadu Hosi Prezidente Republika Mak Jose Manuel Fernandes ‘Nakfilak’ No Cristina Da Silva.

Reportajen: Emerenciana Pinto

Editor: Carme Ximenes

LEAVE A REPLY

Please enter your comment!
Please enter your name here