PR Hato’o Agradese Ba Povu TL, Neebe Hato’o Parabens Ba Loron Moris

Prezidente Republika (PR) Francisco Guterres Lú Olo, hato'o agradese ba povu tomak neebe mak hato'o ona parabens ba nia ba loron moris, neebe kompleta ona tinan 66 iha loron 7 fulan setembru tinan 2020. (Photo: Media PR)

DILI, STLNEWS.co – Prezidente Republika (PR) Francisco Guterres Lú Olo, hato’o agradese ba povu tomak neebe mak hato’o ona parabens ba nia ba loron moris, neebe kompleta ona tinan 66 iha loron 7 fulan setembru tinan 2020.

Liu husi komunikadu imprensa neebe mak STL asesu husi media PR, Segunda (07/09/2020) hatete Prezidente Republika lori familia nia naran hato’o agradese no felistasaun ba ema hotu neebe mak hato’o ona parabens no orasaun ba Xefe Estadu.

“Ho hau-nia naran no família nian, hau agredese felisitasaun hothotu neebe hau simu iha hau-nia loron-moris. Imi-nia amizade no estima ba hau iha folin as tebes, no hau haksolok ida nee iha momentu hothotu tanba fo forsa no korajen ba hau hasoru dezafiu sira iha vida no iha jornada, neebe hau simu bainhira hau kandidata-an ba knaar Xefe Estadu iha 2017.” hatete PR Lu Olo.

Xefe Estadu hatete ho esforsu diak liu mak PR sei halao nafatin nia knaar ba oin no nuudar Prezidente hothotu nian no ba ema hotu, ho apoiu konsistente no babeibeik. “Ba imi hothotu, hau-nia hakoak fraternu ho amizade. “ tenik PR.

Reportajen: Emerenciana Pinto

Editor: Ekipa STL

LEAVE A REPLY

Please enter your comment!
Please enter your name here