PR Hato’o Sentidu Kondelensia Ba Xefe Kaza Sivil Neebe Lakon Espoza

DILI, STLNEWS.co – Prezidente Republika (PR), Francisco Guterres Lú Olo, hato’o sentidu kondelensia ba Xefe Kaza Sivil, Francisco Maria de Vasconcelos neebe lakon espoza Eugenie A. Tatulese.

Espoza Xefe Kaza Sivil Prezidensial Republika hakotu iis hodi fila hikas ona ba Na’i nia kadunan Santu iha Tersa (24/08/2021), maizoumenus tuku 12.00 kalan iha Manado, Indonezia.

Matebian Eugenie A. Tatulese moris iha loron 5 fulan Agostu tinan 1970 iha Lirung, Manado – Indonezia. Kaben ho Xefe Kaza Sivil, Francisco Maria de Vasconcelos iha fulan Fevereiru tinan 1997 .

Iha tinan 1998 hetan ordenasaun sai pastora iha Igreja Protestante Timor – Lorosae (IPTL), fila hikas ba Aman Maromak iha loron Tersa.

Durante moris iha Timor partisipa iha luta klandestina, nia konta bankaria uza hodi halao transferensia fundus ba FALINTIL.

Nia hakotu vida iha Indonezia, tanba sofre hela moras kankru serviks tinan rua no halo tratamentu iha Indonezia. No oras nee dadaun matebian nia isin mate sei iha Manado, Indonezia.*

Reportajen: Emerenciana Pinto

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL Setembru: Kazu Pozitivu 32 & Rekuperadu 83

DILI, STLNEWS.co - Sentru Integradu Jestaun Krize (SIJK) ohin relata kazu pozitivu iha ema nain 32 no rekuperadu hamutuk 117. "Kazu detetadu foun neebe relata ohin loron...

MTKI Loke Kompetisaun Pintura

DILI, STLNEWS.co - Ministeriu Turizmu Komersiu no Industria (MTKI), liu husi Diresaun Nasional Emprendismo ba Atividade Produtus Turistiku organiza kompetisaun pintura ba joven sira. Grupu...

Remata Nia Misaun Iha TL, Sitorus Despedida Ho WNI

DILI, STLNEWS.co – Embaixador Indonezia ba Timor Leste (TL), Sahat Sitorus ho nia espoza Bintang Vera C. Sitanggang, neebe durante tinan 4 ho balun...
%d bloggers like this: