PR Husu Governu Halo Preparasaun Ba Eleisaun Prezidensial

DILI, STLNEWS.co – Prezidente Republika Francisco Guterres Lú Olo hatete iha tinan oin sei halo eleisaun Prezidensial, ho situasaun Covid-19 sei hasoru dezafiu barak, tanba nee husi Governu sei halo preparasaun iha tempu badak.

Prezidente Republika hatoo kestaun nee ba jornalista liu husi nia mensajen iha Loron Selebra Restaurasaun Indepedensia Timor-Leste 20 Maiu 2021 iha Palasiu Prezidente, Bairru Pite, Kinta (20/05/2021).

“Kompatriota sira iha tinan oin mai ita sei iha eleisaun Prezidensial. Ho situasaun pandemia Covid-19, ita sei hasoru dezafius barak hodi prepara eleisaun Prezidensial ida neebe livre no justa. Tanba ida nee, hau husu ba Governu, STAE, CNE no instituisaun relevante sira hodi hahu preparasaun iha tempu badak. Ita hotu nia kompromisu no empenu mak sei garante prosesu eleisaun ida ho partisipasaun masima husi sidadaun votante sira hotu, ho dalan seguru.” hatete PR Lú Olo.

Iha komemorasaun 20 de Maiu nee, Prezidente Republika Francisco guterres Lú Olo mos fo indultu ba Prizoneiru sira.

Xefe Governu hatutan, haktuir tradisaun ida, iha data nasional sira, Prezidente Republika, ho nia poder konstitusional sira no tuir proposta husi Governu, bele fo indultu no komutasaun pena ba prizioneiru sira.

Prezidente Republika simu pedidu indultu hamutuk neen nulu resin ida. Maibe, prosesu barak inkompletu ka la kumpre rekizitu obrigatoriu husi Lei 5/2016.

Haree ba artigu 85 Konstituisaun RDTL no lei numeru 5/2016, lei konsesaun indultu no komutasaun pena, iha loron selebra restaurasaun indepedensia, Prezidente Republika bele fo deit indultu ba prizioneiru nain neen. Ohin duni odomatan kadeia nian loke ba prizioneiru indultadu sira nee.

“Ita hein katak sira sei integra fila fali iha sira-nia familia no sosiedade, no hotu-hotu sei simu ho diak. Ho prosesu sira seluk, Prezidente Republika bele fo deit indultu parsial ba prizoneiru nain sia.“ dehan nia.

Maski Prezidente Republika hakarak fo tan indultu ba prizoneiru sira seluk, labele tanba tenke kumpre rekizitus lei-nian.

Tinan rua ba kotuk Prezidente Republika fo hanoin ona ba Parlamentu Nasional atu hadiak Lei n° 5/2016 hodi fo dalan ba Prezidente Republika atu kumpre nia knaar loloos tuir artigu 85 Konstituisaun.*

Reportajen: Emerenciana Pinto
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 21 Setembru: Kazu Pozitivu 67 & Rekuperadu 318

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 67 no kazu rekuperadu hamutuk 318. "Kazu detetadu foun neebe relata...

Sai PR Labele Halo Terus Povu

DILI, STLNEWS.co – Tuir lian Komunidade Agostina Soares katak, se mak atu kandidata an ba Prezidente Republika ba tinan 2022-2027, labele halo terus tan povu...

Fundasaun Codiva Haklean Konesementu LGBTI Ba Autoridade Lokal

DILI, STLNEWS.co – Fundasaun Codiva haklean informasaun no konesementu konaba asuntu Lesbian Gay Bisexual Trans Intersex (LGBTI) ba autoridade lokal. Haktuir Diretora Ezekutiva Fundasaun Codiva...
%d bloggers like this: