PR Husu PN Hadia Lei Antes Tama Resesu

DILI, STLNEWS.co – Prezidente Republika Francisco Guterres Lú Olo husu Parlamentu Nasional atu hadia lei sira iha Parlamentu Nasional antes tama ba resesu.

Kestaun nee hatoo husi Prezidente Parlamentu Nasional (PPN) Aniceto Guterres ba jornalista bainhira remata halo enkontru regular ho Prezidente Republika Francisco Guterres Lú Olo iha Palasiu Prezidente Bairru Pite, Tersa (08/06/2021).

“Enkontru regular ho Prezidente Republika no ohin ami koalia barak liu konaba prosesu lejislativu konaba parlamentu nia, tanba agora iha lei barak iha parlamentu no parlamentu agora besik dadaun ona ba resesu ke normalmente 15 de Jullu too 15 de Setembru, Prezidente Republika husu ami oinsa bele rejolve hotu lei sira nee antes tama ba resesu ami dezafiu boot ida,” hatete PPN Aniceto.

Prezidente Parlamentu Nasional nee hatutan, koalia konaba lei entau lei ida neebe mak tama ona iha parlamentu nasional, nomos inisiativa Governu nia no inisiativa husi deputadu sira nia.

Nia afirma liutan, aleinde lei hirak nee inklui mos lei infatil, maibe parlamentu nasional fo prioridade konaba pakote reforsa judisiariu ho pakote lei eleitoral, tanba elisoens prezidensial besik ona no governu tenke iha preparasaun ba elisoens sira neebe sei tuir mai no fo biban ba governu atu prepara entau lezislasaun sira nee tenke prontu uluk.

Nunee mos konaba lei Trabalho Infantil nia Aniceto hatete, Parlamentu Nasional inisiativa iha Ona, maibe parlamentu nasional trata tuir prioridade.

“Tuir prioridade no haree tuir tempu, parlamentu nia funsiona mak hanesan nee tinan ida nesesaun lejislativa Tinan ida depois iha fulan rua ba resesu,” katak nia.

No lei neebe mak tau prioridade mak hanesan pakote lei eleitoral ke lei tolu iha laran mak lei resensiamentu eleitoral nee alterasaun deit ba eleisaun Prezidensial, nunee mos Lei Reforma judisiaria nee iha lei foun konaba organizasaun judisiariu, lei ba estatutu Ministeriu Publiku, Majistradu Judisiariu.*

Reportajen: Emerenciana Pinto
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Komunidade Hakbesik An Ba Parte Saude Hodi Simu Vasina

DILI, STLNEWS.co - Komunidade aldeia hat iha Suku Zulo, Postu Administrativu Zumalai, Munisipiu Covalima hakbesik aan ona ba saude hodi simu vasina doze primeiru...

ETDA Rejistu Estudantes 670

DILI, STLNEWS.co - Hahu iha fulan Janeiru too fulan Fevereiru 2021, sentru formasaun East Timor Development Agency (ETDA) rejistu estudantes hamutuk 670, maibe ema...

MAP – FAO Identifika Suku 3 Afetadu Malnutrisaun

DILI, STLNEWS.co - Ministeriu Agrikultura e Peskas (MAP) servisu hamutuk ho Food and Agriculture Organization of the United Nations (FAO), nomos ministeriu relevante identifika...
%d bloggers like this: