PR Konkorda Apoiu Finanseiru Ba Sidadaun Mate Ho Simu Vasina

DILI, STLNEWS.co – Prezidente Republika, Francisco Guterres Lú Olo konkorda fo apoiu finanseiru, karik ema ruma mate ka hetan inkapasidade hafoin simu vasina hasoru Covid-19.

Liu husi komunikadu neebe mak STL asesu Sesta (03/09/2021) hatete, iha loron 2 fulan Agostu liuba, Prezidensia Republika simu husi governu diploma ida (dekretu lei)  konaba dever estadu nian atu fo apoiu finanseiru (indemnizasaun) ba ema vasinadu, karik mate ka hetan inkapasidade hafoin simu vasina, iha ambitu planu nasional vasinasaun, atu prevene no kombate moras Covid-19.

Hanesan baibain akontese ho diploma neebe deit (lei ka dekretu lei), Prezidente Republika iha kbiit konstitusional atu promulga ka veta (la asina). Bele mos veta ho motivu polítiku.

Bainhira konsidera katak lei ka dekretu lei ruma la haktuir Konstituisaun RDTL, Prezidente Republika haruka ba Tribunal Rekursu no instansia ida nee mak deside inkonstitusional ka lae.

Prezidente Republika la hili dalan haruka dekretu lei nee ba Tribunal Rekursu, entretantu haree katak materia nee monu ba iha ambitu responsabilidade sivil extrakontratual estadu nian neebe tenke hatuur ho lei ida.

Maibe to’o ohin loron Timor Leste seidauk iha lejislasaun neebe regula responsabilidade sivíl kontratual estadu nian ka entidade publika sira nian ba ezersísiu atividade jestaun publika.

Tuir Konstituisaun RDTL haruka, Parlamentu Nasional mak iha knaar lejislativu ba materia ida nee. Parlamentu Nasional bele mos fo autorizasaun lejislativa ba governu atu prepara lei konaba responsabilidade sivíl estadu nian. Nee inisiativa diak ida, governu la halo ho autorizasaun lejislativa Parlamentu Nasional. Tanba nee mak Prezidente Republika veta dekretu lei nee.

Prezidente Republika laos kontra estadu fo apoiu finanseiru, bainhira ekipa medika avalia no komprova katak, vasina anti Covid-19 mak kauza ema mate ka hetan inkapasidade.

Prezidente Republika haruka ona mensajen ba governu tan basa mak la promulga diploma nee. Hein katak iha tempu badak Parlamentu Nasional mak haruka diploma nee, ka fo autorizasaun lejislativa ba governu hodi hato’o proposta lei atu regula responsabilidade sivíl estadu nian, no submete ba apresiasaun Prezidente Republika.*

Reportajen: Emerenciana Pinto

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 26 Setembru: Kazu Pozitivu 32 & Rekuperadu 83

DILI, STLNEWS.co - Sentru Integradu Jestaun Krize (SIJK) ohin relata kazu pozitivu iha ema nain 32 no rekuperadu hamutuk 117. "Kazu detetadu foun neebe relata ohin loron...

MTKI Loke Kompetisaun Pintura

DILI, STLNEWS.co - Ministeriu Turizmu Komersiu no Industria (MTKI), liu husi Diresaun Nasional Emprendismo ba Atividade Produtus Turistiku organiza kompetisaun pintura ba joven sira. Grupu...

Remata Nia Misaun Iha TL, Sitorus Despedida Ho WNI

DILI, STLNEWS.co – Embaixador Indonezia ba Timor Leste (TL), Sahat Sitorus ho nia espoza Bintang Vera C. Sitanggang, neebe durante tinan 4 ho balun...
%d bloggers like this: