PR Konvida MAP Fo Sai Preokupasaun Povu Manufahi No Ainaro Durante Dialogu

DILI, STLNEWS.co – Prezidente Republika Francisco Guterres Lú Olo konvida Ministru Agrikultura no Peskas, atu rona fila fali preokupasaun povu husi Munisipiu Manufahi no Ainaro nia, neebe mak durante nee hato’o liu husi dialogu aberta iha munisipiu rua.

Bainhira remata hasoru malu ho PR, Ministru Agrikultura i Peskas, Pedro dos Reis ba jornalista iha Palasiu Prezidente Bairru Pite, Tersa nee (23/11/2021) hatete, enkontru ohin nee koalia konaba rezultadu akompanamentu Xefe Estadu ba munisipiu rua nia.

Ministru dehan, enkontru ida ohin rezultadu husi akompana prezidente neebe mak halo dialogu ho komunidade Same Ainaro nia, tanba nee mak PR konvida Ministeriu Agrikultura no Peskas pasa tan informasaun balun relasiona ho perguntas, neebe hato’o husi komunidade durante dialogu ho komunidade.

“Problema barak la halimar, tanba nee mak ami mos akompana responde balun – balun, ohin ami halo kompleta tan, nunee Prezidente Republika bele entende tan,” dehan ministru.

Nunee mos Prezidente Republika Francisco Guterres Lú Olo sei haree lei konaba apoiu ai-han ou subsidiu alimentar, MAP nia servisu mak oinsa hasae produsaun no prienxe kriteria neebe hodi subtitui garante alimentar.

Prezidente Republika Francisco Guterres Lú Olo mos hatete, konaba lei subsidiu alimentar ba funsionariu publiku, agora dadaun iha hela meza Xefe Estadu nia.

(eme)

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 4 Dezembru: Kazu Pozitivu 1 & Rekuperadu Nain 1

DILI, STLNEWS.co - Ohin loron, Sabadu (04/12/2021), Kordenadora Jeral Surtu Covid-19, Ministeriu Saude Timor Leste deteta tan kazu pozitivu ida (1) no rekuperadu nain...

PR Periodu 2022-2027 Presiza Tau Interese Ba Estadu & Povu TL

DILI, STLNEWS.co - Prezidente Republika (PR) ba periodu tinan 2022-2027 atu ukun husi se deit presiza mak tau interese ba estadu no povu Timor...

Lidera Enkontru G7+ Iha Lisboa, Xanana Kontinua Promove TL Ba Mundu

PORTUGAL, STLNEWS.co - Lider karismatiku Xanana Gusmão, nu'udar mos pesoa eminente g7+ kontinua promove Timor Leste ba mundu liu husi g7+, bainhira hamutuk ho...