PR Periodu 2022-2027 Presiza Tau Interese Ba Estadu & Povu TL

DILI, STLNEWS.co – Prezidente Republika (PR) ba periodu tinan 2022-2027 atu ukun husi se deit presiza mak tau interese ba estadu no povu Timor Leste.

Kestaun nee hatoo husi Fundador Rede Observador Nasional Eleisaun Timor Leste (RONETIL), Laurentino Alves ba STL iha nia knaar fatin, Farol, Sabadu nee (04/12/2021).

“Ema neebe mak merese kaer pasta nu’udar Prezidente Republika ba periodu 2022-2027 nee desizaun mai husi povu. Nunee tuir Rede Observador Nasional Eleisaun Timor-Leste (RONETIL) nia pontu da vista, haree figura kandidatura PR ba periodu 2022-2027, ami prefere liu figura ho karakter lideransa nasional, tau aas interese estadu no povu Timor-Leste nian mak sai prioridade, deside no tetu desizaun hotu tuir kontituisaun RDTL,” dehan Laurentino.

Nia hatutan, figura PR bele mai husi kandidatu partidu politiku sira, nomos bele mai husi ema independente. Tuir lei, Kontituisaun RDTL importante mak kandidatu PR nee sidadaun Timor ho minimu tinan 35 ba leten, iha liberdade asesu no tenke hetan apoiantes ho votus 5.000, (rihun lima). Rekezitu ida nee aplika ba kualker kandidatu husi independente ka husi apoiu partidu politiku.

Nunee mos eis Prezidente Rede Feto, Judite Dias Ximenes, hatutan lei mos garante katak sidadaun hotu iha direitu atu kandidata aan ba iha Prezidente Republika maibe atu kaer pasta nee desizaun mai husi povo tanba povo mak bele hili.

Nia hatutan se deit mak atu liu hodi ba tuur iha Palasiu Prezidente, importante mak haree no tau matan ba povu.

“Sai Prezidente nee desizaun mai husi povu, tanba povu mak hili liu husi eleisaun, tanba nee kuandu liu tenke haree fila fali povo,” katak nia.

(eme)

LEAVE A REPLY

Please enter your comment!
Please enter your name here

NEWS UPDATE

Atletizmu Realiza Kampionatu Nasional

DILI, STLNEWS.co – Federasaun Atletizmu Timor Leste realiza kampionatu nasional, ho objetivu hodi halo selesaun ba atleta sira neebe mak atu partisipa iha kompetisaun Sea...

Suku 4 Iha Munsipiu Aileu Seidauk Asesu Eletrisidade

DILI, STLNEWS.co – To'o oras nee suku 4 iha Munisipiu Aileu, kompostu husi aldeia 31 seidauk asesu eletrisidade, tanba nee sente hanesan diskriminasaun ba populasaun. Informa...

TL Presiza PR Iha Maturidade No Matenek

DILI, STLNEWS.co – Loron 19 fulan Marsu sei hala'o eleisaun prezidensial, tanba nee Timor Leste (TL) presiza Prezidente Republika (PR) neebe maturidade no matenek. Tuir...