PR Preokupa Ho Funsionariu BTL Neebe Lakon Direitu

DILI, STLNEWS.co – Prezidente Republika Francisco Guterres Lú Olo preokupa ho funsionariu Bee Timor Leste (BTL) neebe mak lakon sira nia direitu iha estadu emerjensia nia laran.

Prezidente Republika Francisco Guterres Lú Olo hatoo kestaun nee ba jornalista bainhira partisipa Komemorasaun Loron Funsaun Publiku iha Salaun CNE, Kinta (15/07/2021).

Ho situasaun Covid-19 neebe mak akontese halo funsionariu barak lakon sira nia direitu liu liu funsionariu BTL hamutuk 196, ida nee sai mos preokupasaun mos ba Prezidente Republika.

“Sim preokupa tanba ho situasaun pandemia ida nee Covid lori ita halo ho estadu emerjensia tutan malu nee halo altarasaun boot ba ema babain to bem estadu,” katak PR nee.

Xefe estadu nee hatete, situasuan nee akontese tanba ho situasaun pandemia Covid-19 maibe agora luta makaas oinsa bele normaliza fila fali.

“Nee hau hanoin ita la konsionadu ho situasaun pandemia neebe mak ita hasoru nee buat sira nee hotu akontese mais agora prontu ita luta oinsa bele hetan fila fali normalidade ba situasaun real lori fila fali ita nia funsionariu halao fila fali knaar ho diak,” nia tenik.

Konaba asuntu nee iha plenaria Deputadu Bankada FRETILIN, David Ximenes ‘Mandati’ konsidera empreza publiku neebe hasai funsionariu iha Diresaun Geral Aqua Saneamentu (DGAS) tanba Prezidente Bee Timor Leste, Empreza Publiku (BTL-EP) tur iha neeba la hatene kona ba asuntu bee.

“Sira tur iha neeba mos la hatene kona ba bee ninia no tau sira iha neeba mos hodi hasai fali ema neebe mak iha esperensia servisu tinan 30,” katak Deputadu.

Nunee mos Deputada bankada CNRT, Virginia Ana Belo lasatifas ho ezonerasaun ba iha funsionariu DGAS nain 196. Tanba nia haree Governu ida nee sempre gosta halo ezonerasaun ba ema iha Ministeriu hotu hotu.*

Reportajen: Emerenciana Pinto
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 21 Setembru: Kazu Pozitivu 67 & Rekuperadu 318

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 67 no kazu rekuperadu hamutuk 318. "Kazu detetadu foun neebe relata...

Sai PR Labele Halo Terus Povu

DILI, STLNEWS.co – Tuir lian Komunidade Agostina Soares katak, se mak atu kandidata an ba Prezidente Republika ba tinan 2022-2027, labele halo terus tan povu...

Fundasaun Codiva Haklean Konesementu LGBTI Ba Autoridade Lokal

DILI, STLNEWS.co – Fundasaun Codiva haklean informasaun no konesementu konaba asuntu Lesbian Gay Bisexual Trans Intersex (LGBTI) ba autoridade lokal. Haktuir Diretora Ezekutiva Fundasaun Codiva...
%d bloggers like this: