PR Promulga Alterasaun Dekretu Lei Suplementu Rumuneratoriu

DILI, STLNEWS.co – Prezidente Republika (PR), Francisco Guterres Lú Olo promulga ona alterasaun daruak ba dekretu lei suplementu remuneratoriu.

Liu husi karta komunikadu neebe STL asesu husi Media PR, Tersa (24/08/2021) hatete, tanba traballador sira iha lina frente tenke halao sira nia atividade profisional iha servisus prevensaun no kontrolu Covid-19, no iha situasaun risku hetan kontájiu husi virus kauza moras Covid-19.

Governu Timor Leste, haktuir Konstituisaun RDTL no Estatutu Funsaun Publika, submete ba Prezidente Republika dekretu lei ida hodi hadiak dekretu lei numeru 17/2020, hodi rekompensa traballadór efetivu idak – idak temi iha kraik.

Karta komunikadu nee hatutan, uluk liu, Prezidente Republika promulga dekretu lei numeru 17/2020 iha 30 Abril, hodi fo direitu ba traballador lina frente atu idak – idak simu mos suplementu remuneratoriu ida, ho efeitu husi marsu 2020. Iha Setembru 2020, dekretu lei nee hetan alterasaun dahuluk.

Proposta alterasaun daruak ba diploma neebe hetan promulgasaun horseik loron 23 fulan Agostu 2021, husi Prezidente Republika, Francisco Guterres Lú Olo fo hatene katak, pagamentu suplementu remuneratoriu relasiona ho Covid-19, neebe hahu iha fulan Marsu 2020 sei implementa to’o fulan Dezembru 2021 bainhira OGE 2021 mos remata. Karik presiza hatutan suplementu nee ba tinan 2022, presiza iha fali dekretu lei foun ida. Osan ba selu suplementu nee hasai husi fundu Covid-19 neebe harii iha Timor Leste liu husi lei numeru 2/2020, 6 Abril.

Hori uluk, dekretu lei konaba suplementu nee define katak, profisional sira ne’ebe elijível ba direitu hetan suplementu remuneratoriu mak mediku, enfermeiru, auxiliar ba asaun medika, parteira sira, teniku analize laboratoriu, tekniku saude publika, tekniku radiolojia, sira neebe ezerse funsaun iha sala situasaun Centro Integrado de Gestão de Crises (CIGC), motoristas veíkulu, responsavel sira neebe lori ema ba izolamentu obrigatoriu, elementus Forsas Armadas no ajentes Polisia Nasional Timor Leste (PNTL), neebe envolve iha prevensaun no kontrolu Covid-19, traballador sira iha Autoridade de Inspeção e Fiscalização da Atividade Económica, Sanitaria e Alimentar, Direção Nacional de Quarentena e Biosegurança, Serviço de Migração e da Autoridade Aduaneira, Serviço Nacional de Inteligência, Direção Nacional da Segurança do Património Público, i servisus autoridade ka administrasoins munisipais, responsável ba halibur, lori no soe lixu, sira ne’ebé halo parte servisu autoridade ka administrasoins munisipais, servisus munisipais ba fornesimentu bee moos, koveiru sira no sira neebé integra iha ekipa neebé halao servisu iha Rejiaun Adminstrativa Espesial Oe-Cusse Ambeno.

Ho alterasaun daruak ba dekretu lei nee, aumenta tan profisional sira neebe iha direitu ba hetan suplementu remuneratoriu nee hanesan tekniku sira neebe partisipa iha programa vasinasaun kontra Covid-19, guarda prizional sira, sira neebe servisu protesaun sivíl, inklui bombeirus sira no traballador sira seluk neebe halao serbisu iha sentru izolamentu, profilátiku ka terapeutiku, no sira neebe kuida pasiente Covid-19, sira hanesan tau matan ba seguransa no servisu limpeza no mos sira neebe halo jestaun lixu nian. 

Ho alterasaun nee, traballador sira neebe servisu iha administrasaun direta ka indireta estadu nian, no halao knaar iha risku laran relasiona ho Covid-19 husi fulan Marsu 2020, bainhira hatudu prova dokumentál, iha direitu atu hetan pagamentu suplementu remuneratóriu ba kada loron servisu efetivu neebe halo tiha ona. Ho objetivu atu proteje direitu adquiridu husi traballador sira iha lina frente husi kedas Marsu 2020 mak Prezidente Repúblika veta diploma konaba suplementu remuneratoiu neebe governu hato’o iha fulan Jullu 2021.

Dekretu lei ida nee akomoda hotu ona preokupasaun neebe Prezidente Repúblika hato’o ba governu liu husi mensajen iha loron 24 fulan Juñu 2021. Dekretu lei nee hetan aprovasaun husi Konsellu Ministrus iha loron 4 fulan Agostu, governu haruka mai prezidensia iha loron 11 fulan Agostu 2021 no Prezidente Repúblika promulga iha loron 23 fulan Agostu 2021.*

Reportajen: Emerenciana Pinto

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 23 Setembru: Kazu Pozitivu 58, Rekuperadu 148 & Obitu 1

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 58, i kazu rekuperadu ohin loron 148 no obitu nain...

Vasinasaun Dalan Seguru, Normaliza Situasaun

DILI, STLNEWS.co – Vasinasaun mak dalan seguru hodi normaliza situasaun, no hasae imunidade forte atu prevene Covid-19. Kestaun nee haktuir husi Ministru Ensinu Superior Siensia...

Finalista ICS 292 Simu Graduasaun

DILI, STLNEWS.co – Institutu Ciencia Saude (ICS), ohin halao graduasaun ba finalista hamutuk 292, kompostu husi fakuldade 4 mak hanesan, Fakuldade Enfarmajen, Farmasia, Parteira...
%d bloggers like this: