PR Promulga Alterasaun Lei Sistema Saude

DILI, STLNEWS.co – Prezidente Republika Francisco Guterres Lú Olo promulga alterasaun dahuluk ba lei sistema saude.

Liu husi komunikadu neebe mak STL asesu husi Media PR Sesta nee (19/11/2021) hatete, Prezidente Republika Francisco Guterres Lú Olo horiseik, loron, 18 fulan Novembru, iha tuku 15.00, promulga dekretu Parlamentu Nasional numeru 53/V husi Parlamentu Nasional konaba alterasaun dahuluk ba lei numeru 10/2004, Lei Sistema Saude, no aprova medidas esesionais no temporarias hodi hatan vijilánsia sanitaria ba pandemia Covid-19.

Promulgasaun alterasaun dahuluk ba Lei Sistema Saude bele ona aplika restrisaun balun ba ema nia direitus, atu proteje saude publika. Tanba nee, estadu la presiza ona implementa estadu emerjensia. 

Iha lei numeru 10/2004, 24 Novembru, preve ona, alem ezistensia sistema vijilansia epidemolojika, medidas vijilansia sanitaria. Lei nee sei konsolida kuadru normativu neebe fo sai iha Lei Sistema Saude, hodi haforsa kapasidade ordenamentu juridiku atu hatan ho efikasia ba ejizensia ba nesesidade protesaun vida no sidadaun idak – idak nia saude.

Redasaun foun ba artigu 10 husi Lei Sistema Saude, Parlamentu Nasional atribui kompetensias foun ba autoridades saude nian, relasiona ho vijilansia epidemiolojika. Nunee, lei nee fo dalan ba autoridades kompetentes relasiona ho vijilansia epidemiolojika bele halo ezame medikus ba ema se deit, rekolla amonstras biolojikus no korrespondente testes laboratoriais, restreiu ba kontaktus no vijilansia no monitorizasaun, hanesan mos inspesiona baladas no produtus biolojikus sira.

(eme)

LEAVE A REPLY

Please enter your comment!
Please enter your name here

NEWS UPDATE

Xanana Fila Hikas Ona Mai TL Ho Batik

DILI, STLNEWS.co - Hafoin halao viajen ba Japaun ho Portugal, durante semana 3 hodi halao enkontru lubuk ida, no simu honorariu doctorate 2 husi...

Jornalista Iha Filipina Hetan Tiru, Suspeitu Sei Misteriu

DILI, STLNEWS.co – Jornalista ida mate hetan tiru iha Filipina loron Kuarta horiseik (08/12/2022), bazeia ba informasaun husi grupu advokasia fatin neeba. Nia mak Jesus...

Universidade Katolika TL Iha Lasu No Devosaun Boot

DILI, STLNEWS.co – Ohin governu no lider Igreja Katolika hamutuk ho Premeadu Nobel da Paz, Dr. Jose Ramos Horta halo inagurasaun abertura solene Universidade...