PR Rekonese Eroina Merita Nia Luta

DILI, STLNEWS.co – Prezidente Republika Francisco Guterres (PR) Lú Olo rekonese saudoza Eroina Merita Alves nia luta.

Xefe Estadu hatoo kestaun nee liu husi mensajen neebe lee husi Xefe Casa Sivil Francisco Maria De Aroujo iha loron Hakoi Eroina Merita Alves Bi-Kiak iha Jardim Herois da Patria Metinaro, 27 Maiu 2021.

“Ho laran taridu tebes mak hau ho família nia naran, hatoo mensajen solidariedade no estima ba família Alves no Araújo neebe lakon ema murak tebes ida. Lakon ida nee ita hotu sente iha ita-nia fuan tanba ita hotu hatene saída mak mana Merita Alves halo, nuudar Kombatente Libertasaun Nasional, hodi ita bele hamriik ohin loron nuudar Povu ho identidade rasik moris iha País ida, ho estatutu hanesan ho País sira seluk, neebe membru Nasoins Unidas,” haktuir karta komunikadu neebe Mak STL asesu iha Sesta (28/05/2021).

Nia hatete, naran kodigu Bi-Kiak ka Butete mak nia identifika-an iha funu naruk nakonu ho terus no sakrifísiu oin-oin, husi nia rasik, ninia kaben veteranu luta Octávio Araújo, alin sira no familiár sira seluk neebé tuba rai metin hamutuk ba mehi ida deit ukun rasik aan.

Ho operasaun serku no anikilamentu husi militar indoneziu, Bases de Apoio nakfera no Batallaun 315 konsegue kaer Merita no família.

Biar tun ona mai hela iha Dili, família nee la moris hakmatek. Laos deit tanba militar Indoneziu hatama beibeik iha kadeia ka litik hela deit maibe tanba lakoi husik monu mehi ukun rasik an.

Iha 1998, família Alves no Araújo arriska-an bainhira deside simu PR, Ran Nakali, Detina Bagia, Soekarno no Gamoloi iha sira-nia uma, iha Audian, bainhira PR tun mai hetan ho kombatente sira seluk no organiza apoiu lojístiku.

Bi-Kiak hanesan inan, feto, alin no kamarada sei hela ema hotu nia fuan ema hotu promete lori nia mehi ida nee loke dalan ba feto sira-nia emansipasaun atu bele sai parseira mane nian, iha uma, sosiedade, instituisaun publika no iha sektor privadu. *

Reportajen: Emerenciana Pinto
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

SEJD Enkontru Ho Lider Artemarsiais

DILI, STLNEWS.co - Sekretariu Estadu Juventude no Desportu (SEJD), halao enkontru ho lider artemarsiais sira iha Timor Leste, kona ba rekezitus artemarsiais nian neebe...

Lori Maromak Nia Domin Ba Ema Hotu

DILI, STLNEWS.co - Nuudar sarani neebe diak iha moris, tenke sai valeta ba ema hotu, atu lori Maromak nia grasa no domin ba maun...

Vota Abstensaun Myanmar, TL Laiha Sentimentu Humana

DILI, STLNEWS.co - Relasiona ho Ministra Negosoiu Estranjeiru no Kooperasaun (MNEK), neebe mak vota abstensaun ba nasaun Myanmar, akademista konsidera Timor Leste laiha sentimentu...
%d bloggers like this: