PR Simu Karta Kredensial Husi Embaixador 5

DILI, STLNEWS.co – Prezidente Republika Francisco Guterres Lú Olo ohin simu karta kredensial husi embaixador nasaun lima (5), liu husi virtual online.

Iha biban nee, Ministra Negosiu Estranjeiru Adalsiza Magno ba jornalista iha Palasiu Prezidente Bairru Pite, Sesta nee (29/04/2022).

Nia hatete, ohin akompanha Prezidente Republika hodi simu karta kredensial husi embaixadores nain lima (5) husi India rezidensia iha Jakarta, Embaixador Holly Se, Rezidensia iha Malayzia, Embaixador Canada rezidensia iha Jakarta, Embaixador Turkey rezidensia iha Jakarta, no Embaixador husi Angola rezidensia iha Singapura.

“Tanba sirkuntansia neebe mak ita hotu hatene ho nia atividade no sirkuntansia Covid-19 nia ita hotu hatene katak, agora diak oituan. Prezidente hakarak se bele nia simu tiha kredensia balu antes loron 20 fulan Maiu,” dehan Ministra Negosiu Estrajeiru.

Ministra hatete, simu karta kredensial liu husi online deit, tanba nee labele konversa barak maibe ikus bele entrega karta kredensial.

Embaxadores nain lima (5) mos senti kontenti tebes bele entrega karta kredensial ba Prezidente Republika, hodi halao knaar nudar embaixador, mezmu liu husi virtual online deit.

“Sira komu non rezidensia sira halo reprezenta diplomata mak barak los, ezemplu iha India uluk ita iha diskusaun iha kooperasaun iha area teknolozia, maibe Covid-19 paradu tiha, espera tempu badak kuandu ita konektividade normaliza ona, ita bele diskuti fali ho sira, no sira seluk reprezenta sira nia pais iha nee deit,” dehan nia.

Embaixadores nain lima (5) neebe mak entrega karta kredensial, mak hanesan Embaixador H.E Mr Manoj Kumar husi India, Embaixador H.E Archbishop W. Zaluski husi Holly se, Embaixador H.E Mrs Nadia Burges husi Canada, nunee mos embaixador H.E Ms Askin Asan husi Republika Turkey nunee mos Embaixador H.E Mr Danuel Antonio Rosa husi Angola.

(eme)

LEAVE A REPLY

Please enter your comment!
Please enter your name here