PR Simu Karta Kredensial Husi Embaixador Brazil – EUA

Prezidente Republika Francisco Guterres Lú Olo simu karta kredensial husi Embaixador da Republica Federativa do Brasil Mauriçio Medeiros de Assis no Embaixador dos Estados Unidos da América Kevin Blackstone, hodi sai ofisialmente hahu sira nia misaun diplomatika iha Timor Leste. (Foto: Media PR)

DILI, STLNEWS.co – Prezidente Republika Francisco Guterres Lú Olo simu karta kredensial husi Embaixador da Republica Federativa do Brasil Mauriçio Medeiros de Assis no Embaixador dos Estados Unidos da América Kevin Blackstone, hodi sai ofisialmente hahu sira nia misaun diplomatika iha Timor Leste.

Haktuir Ministra Negosiu Estranjeiru no Kooperasaun, Adaljiza Magno ba jornalista iha Palasiu Prezidente Nicolau Lobato, Bairru-Pite, Sesta (19/03/2021).

“Ohin Prezidente da Republika simu kredensial rua husi Embaixador Brazil Mauriçio Medeiros de Assis, nomos mai husi Estados Unidos da América Kevin Blackstone. Sira nain rua mai kleur mais komu situasaun foin ohin mak xefe estadu konsege simu sira nia karta kredensial, no sira aprezenta sira nia komprimentus mai husi sira nia Prezidente Jail Bolsonaro no Prezidente Joe Biden. Sira mai para atu asegura kooperasaun neebe mak ita iha ona ho rai rua nee hanesan Estadus Unidus Amerika nomos Brazil” dehan nia.

Foto: Media PR

Ministra nee hatutan, oras nee nasaun rua nafatin suporta Timor Leste hodi kombate Covid-19 iha rai laran.

Iha biban nee Prezidente Republika Francisco Guterres Lú Olo mos hatoo parabens no bom trabalho ba embaixador nain rua no susesu nafatin ho servisu neebe mak iha liu husi kooperasaun rai rua nia.*

Reportajen: Emerenciana Pinto
Editora: Domingas Gomes

LEAVE A REPLY

Please enter your comment!
Please enter your name here