TL lakon Asuwa’in Mauhuno

DILI, STLNEWS.co – Prezidente Republika Francisco Guterres Lú Olo Liu Husi mensajen katak, Timor Leste lakon asuwa’in Mauhuno Bulerek Karathayano.

“Povu doben Timor-Leste, Horseik, Timor-Leste lakon tan asuwa’in Luta Libertasaun Nasional espsial ida. Espesial tanba hola parte jerasaun fundador movimentu ba Ukun Rasik An (URA), dahuluk ho ambitu nasional” hatete Prezidente Republika liu husi mensajen, Sabadu nee (25/09/2021).

Lú olo dehan, ho naran asuwa’in, Mauhuno Bulerek Karathayano tama iha istoria luta libertasaun patria, nuudar Fundador ASDT, membru Comite Central FRETILIN (CCF), Chefe Consello Polítiko Militar Frente Armada, Sekretario da Comissão Diretiva da FRETILIN, Comandante das FALINTIL, Secretario Região 3, lider ida neebe inspira no sai belun boot ba foin sae klandestinu sira iha vila laran, iha Timor Leste no iha Indonezia.

Iha periodu susar tebes, hafoin militar Indonezia kaer Comandante Superior Luta, Xanana Gusmão iha 1992, ema barak hanoin luta to’o ona nia rohan. Maibe Mauhuno asumi lider rezistensia nian no funu kontinua.

Iha fulan Marsu tinan 1993, forsa okupante kaer lider nee no hatama iha kadeia. Maibe la hamate ninia espíritu nasionalista.

Iha vila, Mauhuno servisu hamutuk ho Mahudu, kontinua mobiliza juventude sira iha luta hasoru okupasaun Indonezia. Mauhuno esforsu ba hametin rezistensia iha zonas okupadas, nunee kontribui ba luta klandestina, sai mos frente prinsipal ida ba Timor Leste nia independensia.

Mauhuno nuudar jerasaun fundador husik ona ita. Triste tebes, tanba ita lakon ita nia lider boot ida. Maibe ita hotu sei la haluha katak, nia husik memoria ba ita nia Timor Leste livre no independente. Mauhuno nia obra sei hela rohan laek, bainhira valor no prinsípiu luta nian kontinua buras hamutuk ho ita, iha ita nia moris loron – loron nian.

“Prezidente Repúblika hato’o profundas kondolensias ba família enlutada, Sra. Teresinha Viegas ho nia oan sira, ba família tomak, nomos família boot rezisténsia nian. Hakuak boot ba família hotu” hakotu nia.*

Reportajen: Emerenciana Pinto

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Vasina Pfizer Importante Ba Labarik Sira

DILI, STLNEWS.co – Tuir Ministra Saude Odete Maria Freitas Belo dehan, labarik sira presiza simu vasina Pfizer nee, tanba importante tebes hodi bele prevene moras...

Update Covid-19 TL 27 Outubru: Kazu Pozitivu 7 & Rekuperadu Nain 3

DILI, STLNEWS.co – Ohin loron 27 fulan Outubru tinan 2021, liu husi Centro Integrado Gestão de Crises, Sala Situação (CIGC-SS) rejistu tan kazu konfirmadu...

Estudante ESJ Simu Ona Vasina Pfizer

DILI, STLNEWS.co – Eskola Ensinu Sekundariu Jeral (ESJ) 4 Setembru simu ona vasina Pfizer ba doze primeiru, atu nunee bele halo prevensaun ba Covid-19. Informa...