PR: TL Lakon Patriota Forma Intelektual Exelente

DILI, STLNEWS.co – Prezidente Republika (PR) Francisco Guterres Lú Olo hatete Timor Leste lakon patriota ida ho formasaun intelektual exelente Bispo Dom Basilio do Nascimento.

Prezidente Republika liu husi mensajen Sabadu kalan (30/10/2021), lori estadu Timor-Leste nia naran no ninia an rasik hatoo sentidas kondolensias ba Konferensia Episkopal de Timor-Leste, Igreja Katolika, no familia direta saudozu reverendíssimu Bispo Basílio do Nascimento, ba kompatriotas, no amigu hotu neebe mak besik.

Lú Olo hatete Konferensia Episcopal de Timor-Leste lakon nia membru ida no i nia pais lakon patriota ida ho formasaun intelektual exelente.

“Hau hakruk ba memoria ema igreja nian, neebe iha momentus difiseis iha perkursu ita-nia luta ba libertasaun nasional, hatene halibur irmãos no irmãs hotu-hotu, ho aten brani, luta ba ita-nia afirmasaun nuudar povu no nasaun, iha frente armada, klandestina no esterna/diplomatika. Merese temi ho espesial ba Dom Basílio do Nascimento nia apoiu neebe labele nega ba frente armada, liu husi dalan klandestinus.” dehan nia.

Aman ba nasaun nee hatoo deskansa ho paz ba Amo Bispo Dom Basílio do Nascimento.

(eme)

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 4 Dezembru: Kazu Pozitivu 1 & Rekuperadu Nain 1

DILI, STLNEWS.co - Ohin loron, Sabadu (04/12/2021), Kordenadora Jeral Surtu Covid-19, Ministeriu Saude Timor Leste deteta tan kazu pozitivu ida (1) no rekuperadu nain...

PR Periodu 2022-2027 Presiza Tau Interese Ba Estadu & Povu TL

DILI, STLNEWS.co - Prezidente Republika (PR) ba periodu tinan 2022-2027 atu ukun husi se deit presiza mak tau interese ba estadu no povu Timor...

Lidera Enkontru G7+ Iha Lisboa, Xanana Kontinua Promove TL Ba Mundu

PORTUGAL, STLNEWS.co - Lider karismatiku Xanana Gusmão, nu'udar mos pesoa eminente g7+ kontinua promove Timor Leste ba mundu liu husi g7+, bainhira hamutuk ho...