PR Vizita Espozisaun Feira

DILI, STLNEWS.co – Prezidente Republika Francisco Guterres Lú Olo vizita espozisaun feira, neebe mak halao husi feto munisipiu 12, inklui RAEOA iha Palasiu Prezidente. 

Diretora AUFD Bendita de Jesus Amaral ba jornalista iha Palasiu Prezidente Bairru Pite Tersa nee (09/11/2021) hatete, hanesan sosiedade sivil iha Munisipiu Baucau sente orgullu tebes no kontente, bainhira hetan oportunidade husi Rede Feto, tanba UFD mos hanesan membru husi Rede Feto atu bele partisipa iha feira, neebe mak ligadu ho komemorasaun loron feto iha Timor laran tomak.

Bendita hatutan, produtu husi UFD mak hanesan produtu lokal, hanesan agrikultura nia mak foos mean no foos metan, nunee mos mina virjen, mina aimoruk neebe bele kura moras oin – oin, aleinde iha mos kacan telor krupuk, hudi, kiri-kiri neebe mak halo ho batar uut, nomos hahan lokal sira mak hanesan hakmeri no produtu lokal sira seluk.

Nunee mos Prezidente Fundasaun Haburas Moris, Emerenciana Tapu hatutan, eventu ohin stand neebe mak iha sira mos sente orgullu, hanesan mos reprezenta feto husi Bobonaro nia, sira mos lori produtu mai iha feira nee.

Nia hatutan, produtu neebe mak sira faan mak hanesan mantega, forerai, nee aihan neebe mak diak ba nutrisaun, bainhira han merenda nia, nomos baniben, mina nuu virjen, krupuk no seluk tan.

Prezidente Republika Francisco Guterres Lú Olo, liu husi vizita feira nee husu ba negosiante no feto potensial sira nee, atu kontinua promove produtu Timor nia neebe mak iha, nunee bele redus produsaun sasan husi rai liur mai Timor Leste.

(eme)

LEAVE A REPLY

Please enter your comment!
Please enter your name here

NEWS UPDATE

Xanana Fila Hikas Ona Mai TL Ho Batik

DILI, STLNEWS.co - Hafoin halao viajen ba Japaun ho Portugal, durante semana 3 hodi halao enkontru lubuk ida, no simu honorariu doctorate 2 husi...

Jornalista Iha Filipina Hetan Tiru, Suspeitu Sei Misteriu

DILI, STLNEWS.co – Jornalista ida mate hetan tiru iha Filipina loron Kuarta horiseik (08/12/2022), bazeia ba informasaun husi grupu advokasia fatin neeba. Nia mak Jesus...

Universidade Katolika TL Iha Lasu No Devosaun Boot

DILI, STLNEWS.co – Ohin governu no lider Igreja Katolika hamutuk ho Premeadu Nobel da Paz, Dr. Jose Ramos Horta halo inagurasaun abertura solene Universidade...