Prepara Sidadaun TL Tama Iha Era Dijital

DILI, STLNEWS.co – Governu hakarak prepara sidadaun Timor Leste sira atu tama ba iha era dijital, prepara maka presiza promove edukasaun sivika no promove literasia digital ba kada sidadaun ida-idak hahu kompriende oinsa maka uza plataforma dijital.

“Governu hakarak prepara ita nia sidadaun para tama iha era dijital, prepara maka ita presiza promove edukasaun sivika, promove literasia digital nomos kampana nasional kontra HOAX, para ita nia sidadaun kada ema ida hahu akompania para kompriende oinsa uza plataforma dijital nee ho matenek,” lia hirak nee hatoo husi Sekretariu Estadu ba Komunikasaun Sosial (SEKOMS), Mericio Juvinal dos Reis “Akara” ba jornalista sira iha Timor Plaza, Kuarta (07/07/2021).

Nia hatutan, ho intelejensia tanba era digital nee lori buat pozitivu no negativu mai hotu, entaun governu iha responsabilidade prepara sidadaun sira ho dalan maka liu husi kampania nasional promove internet saudavel, kontinua kompana nasional kontra HOAX, no dez informasaun sira i kolabora ho parseiru hot-hotu inklui media para kontinua halo edukasaun sivika iha ida-idak ninian knar.

Nia informa, aprezentasaun primeiru minimu kada ida nia iha kapasidade kritiku atu hatene tuir informasaun neebe maka nia simu nee mai husi fontes los ka lalos, antes nia like ka send, ita presiza sira kapasidade atu hatene informasaun neebe ita simu nee los ka lalos, primeiru fontes los ka lalos no segundu kontiudu nee los ka lalos nee nia tenki iha kapasidade kritiku ba ida nee.

Nunee mos eis Prezidente Republika, Jose Ramos Horta dehan, foin dadauk iha Timor Leste laran tomak joven sira iha telefone. Telefone laos atu uza telefone koalia deit, iha informasaun balun mai husi Fecebok, Google, ho ida nee sei aumenta barak liutan.

“Hau fahe informasaun hanesan koalia kona ba Covid-19 no koalia kona ba vasina, hau buka ajuda povu atu kompriende problema nee no kompriende vantajen vasina nee, maibe ema seluk mos uza media sosial hatete Covid-19 nee buat bosok no vasina nee halo ita mate nee bosok, para kontrola ida nee,” hakotu nia.*

Reportajen: Natalina Lopes
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Covid-19 Update (26 Jullu 2021): Pozitivu 6, Rekoperadu 45, & Ativu 656

DILI, STLNEWS.co - Loron 26 fulan Jullu liu Centro Integrado Gestão de Crises, Sala Situação (CIGC-SS) rejistu kazu pozitivu Covid-19 iha nain 6, Dili...

Demisaun Membru PNTL 3, PN Rekonese Bazeia Ba Regulamentu

DILI, STLNEWS.co - Parlamentu Nasional (PN) liu husi komisaun B neebe trata asuntu defeza seguransa no negosiu estranjeiru rekonese demisaun membru Polisia Nasional Timor-Leste...

Komisaun F Seidauk Aprova Projetu Lei Protesaun Ba Labarik

DILI, STLNEWS.co - Parlamentu Nasional (PN) liu husi Komisaun F trata asuntu Saude, Seguransa Sosiais no Igualidade Jeneru, seidauk aprova projetu lei protesaun labarik...
%d bloggers like this: