Preparasaun Pose Prezidente Republika Eleitu Atinji 30%

DILI, STLNEWS.co – Preparasaun ba fatin tomada de pose ba prezidente eleitu atinji ona 30%. Iha biban nee, komisaun organizadora relata prosesu tomak ba Prezidente Republika Francisco Guterres Lú Olo.

Wainhira remata hasoru malu Ministru Administrasaun Estatal, Miguel Pereira de Carvalho hanesan Prezidente Komisaun Organizadora ba jornalista iha palasiu Prezidente Segunda (25/04/2022) hatete, ohin nia ho Ministra Negosiu Estrajeiru hanesan mos komisaun organizadora ba eventu loron 19 fulan Maiu no loron 20 fulan Maiu nian, ba hasoru Prezidente Republika (PR) Francisco Guterres Lú Olo.

“Komisaun organizadora planeia ona no organiza daudaun eventu atu realiza tomada de pose prezidente eleitu neebe mak realiza iha loron 19 fulan Maiu, nia fatin realizasaun iha Tasi Tolu, depois loron 20 fulan Maiu sei realiza ensar bandeira iha Palasiu Prezidente, ami koalia ho sua exelensia prezidente konaba preparativu sira inklui nesesidade para atu kordena ho ekipa transmisaun prezidente eleitu nia, tanba kandidatu eleitu hatoo ona karta ba PR no ba hau atu bele integra ekipa husi prezidente eleitu nian, iha komisaun organizadora hodi halo preparasaun ba eventu rua nee,” dehan Ministru nee.

Preparasaun ba tomada de pose iha Tasi Tolu hahu fulan ida ona antes konklui kampanha segunda volta komisaun halo ona preparasaun iha Tasi Tolu hadia ona tenda iha neeba.

“Agora atinji ona 30% husi preparativu, ita sei iha tempu 25 dias tan hodi garante, nunee too iha loron 19 fulan Maiu preparativu 100% komisaun organozadora preparadu no garante sei konkluidu antes loron 19 fulan Maiu,” dehan nia.

Ministru nee hatete, serimonia tomada de pose ba Prezidente Republika ba tinan ida nee, governu prepara ona orsamentu US$ 1.6 miloens, montante neebe mak kiik liu kompara ho tomada de pose ba PR iha tinan 2012-2017.

Iha biban nee nia hatutan, komemora loron 20 fulan Maiu ensar bandeira iha Palasiu Prezidente komisaun organizadora aloka orsamentu quatro centos mill para atu realiza serimonia sira iha Dili no mos munisipiu sira despeza US$ 10 mill kada munisipiu.

Iha biban nee, Primeiru Ministru Taur Matan Ruak mos hatete, oras nee governu prepara makaas hela ba fatin tomada de pose ba Prezidente Republika eleitu no fatin iha Tasi Tolu, no sese mak partisipa iha serimonia seidauk hatene, maibe konvite sai mai mak sei hatoo ba iha publiku, maibe preparasaun Estatal mak responsabliza.

Nunee mos Manajer Empreza Fikikay Unip. Lda, Egidio de Jesus, hateten, projetu preparasaun ba fatin serimonia loron 20 Maiu no tomada de pose ba Prezidente Republika foun, empreza Fikikay Unip. Lda simu tutan ka hanesan sub kontaktor husi Empreza Betuhei Unip. Lda neebe manan konkursu publiku liu husi aprovizionamentu MAE nian. Empreza implementador hahu servisu dezde loron 01 fulan Abril no sei termina iha loron 15 fulan Maiu tuir kontratu neebe empreza halo ho governu.

No Total orsamentu ba projetu preparasaun fiziku iha fatin serimonia Tasi Tolu hamutuk US$ 430.000.00. Projeitu nee liu husi tenderizasaun no nain ba projetu mak governu liu husi Ministeriu Administrasaun Estatal (MAE), nunee sira halo konkursu no iha empreza lubuk ida mak ba konkore no ikus mai empreza nasional Betuhei Unip. Lda mak manan konkursu ida nee.

(eme)

LEAVE A REPLY

Please enter your comment!
Please enter your name here

NEWS UPDATE

Numeru Konflitu Tuun Makaas Dezde Governu Desidi Reativa Atividade Arte Marsiais & Arte Ritual

DILI, STLNEWS.co - Primeiru Ministru (PM) Taur Matan Ruak hateten, dezde governu desidi reativa atividade Grupu Arte Marsiais no Arte Ritual, numeru konflitu iha...

Taur Apresia Esforsu SEJD-KRAM Reativa Atividade Arte Marsiais & Arte Ritual

DILI, STLNEWS.co - Primeiru Ministru (PM) Taur Matan Ruak agradese esforsu Sekretariu Estadu Juventude no Desportu (SEJD) no Prezidente Komisaun Reguladora Arte Marsias (KRAM ), neebe...

Sasin La Iha Konhesimentu Kazu Konstrusaun Armajen Foos

DILI, STLNEWS.co - Kazu konstrusaun armajen foos, Tribunal Distrital Dili kontinua rona sasin. Tanba nee, iha julgamentu kontinuasaun nee, tribunal rona sasin ho inisial MC neebe...