Presiza Empodera Atu Halakon Diskriminasaun Hasoru Feto

DILI, STLNEWS.co – Presiza halo sosializaun ou empodera nafatin komunidade sira, atu nunee bele halakon diskriminasaun hasoru feto, tanba ho kustume beiala sira nia hatete feto ida hola ona mane so iha uma hodi haree labarik sira, mane mak iha responsabliza buka osan.

Kestaun nee hatoo husi Kordenadora Jeral Mokatil, Paula Corte Real Araújo ba STL via telefone, Domingu (06/09/2020).

Kordenadora Jeral Mokatil dehan, hanesan kostume ka toman neebe TL iha nanis ona neebe aplika husi beiala sira katak, wainhira feto ida kaben ona ka inan-aman neebe husik sira nia oan feto kaben ona ho mane ida mak, oan feto ne nia moris em termos ekonomia responsabiliza masimu husi laen ka dependente ba laen, tamba konsiderasaun ba laen nudar xefe da família.

Eis Diretora Fundasaun Cuacus dehan ida nee pensamentu no pratika husi beiala sira, nunee sai nudar toman ba feto sira to ohin, nomos pratika ida ne kuda metin iha mane sira nia pensamentu hodi hakiak karakteristiku ida katak so mane deit mak bele sai ba liur hodi buka osan, no feto sira nia servisu loron-loron mak so bele hela iha uma hodi halao servisu uma laran inklui kuidadu oan sira, asaun ida nee klaru ke asaun diskriminasaun.

“Asuntu ida nee sei kontinua existe iha feto barak rasik, no inan-aman sira sei kontinua kuda pensamentu ida ne, tamba nee empoderamentu ba feto iha ekonomia presiza halao no estadu presiza kria kondisaun, atu fo biban ba feto sira hodi iha espasu ba ajuda hasae rendimentu familiar” dehan Kordenadora Jeral Mokatil.

Paula dehan exemplu organização TOMAK (Tos Ba Moris Diak) fo apoiu ba CRC hodi mobiliza no kapasita feto no mane iha nivel suku iha munisipiu Viqueque, Baucau hodi kria grupu hodi halao atividade ekonomia nian, mak hanesan rai no foti osan/Credit Union (CU)/simpan pinjam, neebe rekursu inisiu mai husi sira nia osan rasik.

Grupu barak hahu halao no susesu boot hodi hadia sira nia moris, no ajuda responde nesesidades uma laran.

Nia akrezenta liu tan, ho nunee konklui katak wainhira feto ida no mane ida hanoin harii uma kain mak feto ho mane nee iha responsabilidade atu ajuda malu, hodi sustenta familia nia nesesidades, espesialmente investe edukasaun, investe saude ba oan sira liu husi ai-han nutritivo.*

Reportajen: Emerenciana Pinto

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun; EP1

STLNEWS.co – Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun • EPISODE 1: Drama Kakaluk Ba Corona https://youtu.be/VQBkF8ES8GE • Video Vasina https://youtu.be/_p-St6W4XHw Ministério dos Assuntos...

Ema 200 Aprende Materia Kooperativa

DILI, STLNEWS.co - Sidadaun hamutuk 200 tuir formasaun husi Sekretaria Estadu Kooperativa (SEKoop), kona ba materia koperativa nian durante semana ida. Tuir Diretor Jeral Sekretariu...

Hakarak Atividade Lao Normal, Taur Apela Komunidade Simu Vasina

DILI, STLNEWS.co - Primeiru Ministru (PM) Taur Matan Ruak apela ba populasaun atu partisipa iha kampania vasinasaun, nunee wainhira tasa partisipasaun aas governu bele...
%d bloggers like this: