Presiza Estabelese Supremu Tribunal Justisa

DILI, STLNEWS.co – Relasiona ho mandatu PTR nian neebe kontinua estende, jurista husu ba Prezidente Tribunal Rekursu atu esforsu estabelse lalais Supremu Tribunal Justisa.

Tuir jurista Sergio Dias Quintas katak, durante nee PTR halao ona nia servisu ho diak, maibe ho mandatu kontinuasaun nee, presiza halo tan ezersisiu ba servisu balu neebe seidauk termina.

“Hau nia pontu de vista hanesan ema jurista, ohin loron ita hatene katak organizasaun judisiariu nee ita sei bazeia ba lei UNTAET, no dr. Deolindo re-nomeia fali sai Prezidente Tribunal Rekursu, se bele servisu hamutuk ho Ministru da Justisa no PJR foun, atu bele haree tok kona ba organizasaun judisiariu hodi bele estabelese lalais kona ba Supremu Tribunal Justisa,” dehan Sergio ba STL, via Whatsapp, Sesta (30/04/2021).

Nia hatutan, importante estabelese ida nee atu bele deside desizaun judisial neebe importante ba nasaun nee nia vida. No sira nia mandatu tinan haat ba oin nee, hanoin ona atu estabelese ida nee, tanba iha konstituisaun mos preve konaba ida nee.

Estabelese supremu tribunal justisa tanba ida nee norma konstituisional neebe estabelese iha konstituisaun rasik, no supremu tribunal justisa nee bele avalia fali sercisu tribunal rekursu nian, no tuir konstituisaun iha ema nain lima mak tur iha neeba hodi deside konaba kestaun nasaun nian.

Segio dehan, ho mandatu nee mos husu atu halo organizasaun judisial foun atu bele kria Tribunal Distrital iha munisipiu sira, atu lori justisa nee hakbesik ba sosiedade liu liu sira neebe vulneravel la iha forsa atu too mai iha tribunal kapital. No antes atu estabelese Tribunal Distrital sira nee, halo uluk lai reforma konaba lei organizasaun judisial.

Nunee mos rekursu iha Tribunal Rekursu seidauk too, tanba nain haat deit, ba oin bele halo tan rekrutamentu ba juiz konsileiru nain rua hodi hamutuk nain neen, atu bele kompleta kolektivu neebe iha, hodi labele hamosu konflitu de interese.

Iha fatin ketak, Jurista Manuel Tilman dehan, importante atu estabelese supremu tribunal justisa, no PTR aktual bele konkore, tanba iha esperiensia barak ona.

“Se aban bainrua ita hare supremu tribunal justisa nia mos bele konkore, tanba sai Prezidente ba TR dala barak ona iha esperiensia no bele konkore ba pozisaun nee,” dehan Tilman.

Reportajen :Terezinha de Deus
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Harii Federasaun Tenke Prepara Kondisaun

DILI, STLNEWS.co - Sekretariu Estadu Juventude No Desportu (SEJD), hatete harii federasaun tenke prepara mos kondisaun hanesan tenke iha atleta no treinador rasik. Lia hirak...

SEJD Enkontru Ho Lider Artemarsiais

DILI, STLNEWS.co - Sekretariu Estadu Juventude no Desportu (SEJD), halao enkontru ho lider artemarsiais sira iha Timor Leste, kona ba rekezitus artemarsiais nian neebe...

Lori Maromak Nia Domin Ba Ema Hotu

DILI, STLNEWS.co - Nuudar sarani neebe diak iha moris, tenke sai valeta ba ema hotu, atu lori Maromak nia grasa no domin ba maun...
%d bloggers like this: