Presiza Governu Haforsa Lei Numeru 5/2017

DILI, STLNEWS.co – Autoridade lokal husu governu  haforsa lei numeru 5/2017, atu nunee bele regula Grupu Arte Marsial (GAM) sira hodi labele tama sai ilegal iha area fronteira.

Xefe Suku Caicoli, Hipolito Marques Sarmento hatete, relasiona ho Grupu Arte Marsial liu – liu Persaudaraan Setia Hati Terate (PSHT), neebe ba kontinua hakat fronteira ho ilegalmente hodi ba sae sintu iha nasaun Indonezia.

“Hau sente triste, liu – liu iha lina fronteira iha ona forsa no seguransa neebe asegura, ita haree seguransa iha neeba masimu ona, maibe ema kontinua tama sai ilegalmente, tanba nee husu governu atu bele haforsa tan lei numeru 5/2017,” dehan nia ba STL, iha nia knaar fatin, Caicoli, Dili,(26/08/2021).

Nia dehan, ho razaun husu atu haforsa lei, atu nunee bele regula diak liu tan Grupu Arte Marsial sira, atu labele tama sai ilegalmente iha fronteira, tanba dadaun nee Timor Leste enfrenta hela situasaun pandemia Covid-19 inklui variante Delta.

Antes nee, Prezidente Komisaun Reguladora Arte Marsial, Octavio da Concecao haktuir, ba futuru kuandu pakote lejislasaun sira remata no  aprova ona iha Konsellu Ministru, karik membru PSHT kontinua ultrapasa ilegal fronteira hodi ba sae sintu iha Indonezia, KRAM sei taka hotu rantin PSHT kada munisipiu idak – idak nian.

Nia dehan, iha fulan nee KRAM kontinua koopera ho Komando Polisia Nasional Timor Leste (PNTL) halo ona chamada ba Prezidente PSHT ba iha komando PNTL hodi fo informasaun sobre membru sira neebe kontinua ultrapasa ilegal ba Atambua, i foin lalais liu ba KRAM mos bolu fundador sira husi PSHT mai iha sede KRAM hodi fo chamada atensaun, se kuandu membru sira la iha disiplina nee fila fali ba profesionalismu internal atu kontrola, maibe komete krime kontra lei nee prosesu judisial kontinua lao nafatin.*

Reportajen: Santina Castro 

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL Setembru: Kazu Pozitivu 32 & Rekuperadu 83

DILI, STLNEWS.co - Sentru Integradu Jestaun Krize (SIJK) ohin relata kazu pozitivu iha ema nain 32 no rekuperadu hamutuk 117. "Kazu detetadu foun neebe relata ohin loron...

MTKI Loke Kompetisaun Pintura

DILI, STLNEWS.co - Ministeriu Turizmu Komersiu no Industria (MTKI), liu husi Diresaun Nasional Emprendismo ba Atividade Produtus Turistiku organiza kompetisaun pintura ba joven sira. Grupu...

Remata Nia Misaun Iha TL, Sitorus Despedida Ho WNI

DILI, STLNEWS.co – Embaixador Indonezia ba Timor Leste (TL), Sahat Sitorus ho nia espoza Bintang Vera C. Sitanggang, neebe durante tinan 4 ho balun...
%d bloggers like this: