Presiza Halo Kampana Konaba Covid-19

DILI, STLNEWS.co – Atu prevene moras Covid-19, governu liu husi ministeriu relevante, presiza halo kampana ba sidadaun sira, para nunee  kontinua kumpre regra protokolu saude nian.

Kestaun nee hato’o husi Diretor Atividade Asosiasaun Ekonomia Agrikola Taularan Buras (AE-ATB) Manuel Monteiro Fernandes ba STL liu husi telefone, Domingu nee (26/09/2021).

Nia katak, governu fo liberdade ba komunidade sira hodi buka moris, importante mak halo edukasaun sivika ba komunidade sira neebe mak iha fronteira, nunee bele servisu hamutuk ho seguransa sira hodi kontrola area fronteira.

 “Primeiru kontinua kria edukasaun ba komunidade sira iha fronteira, hodi hatene konaba Covid-19 no variante Delta ninia transmisaun. No edukasaun sidadania ba ita nia komunidade sira iha fronteira, hodi sira bele iha kooperasaun ho seguransa sira,” tenik nia.

Manuel hatutan, segundu hadia formasaun ba ajensia servisu sekreta sira, hodi sira iha matenek tekniku hodi halibur informasaun neebe liga ho seguransa fronteira nian, no relata informasaun lolos ba autoridade seguransa nian, hodi halo prevensaun no atuasaun.

Tuir fali mak hadia ekonomia ba komunidade sira iha area fronteira. Ho investimentu ba fasilidades ekonomika sira. Hanesan kria barazen hodi halibur bee, nunee atividade ekonomika komunidade iha fronteira nian bele dezenvolvidu.

Nunee mos, Konsellu Fundador RONETIL, Laurentino Alves mos husu ba sidadaun sira hotu, atu kumpre nafatin regra neebe mak hatun husi governu liu husi Ministeriu saude, atu nunee bele kombate Covid-19 nee rasik.*

Reportajen: Emerenciana Pinto

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 20 Outubru: Kazu Foun Hamutuk 16

DILI, STLNEWS.co - Ohin loron Sentru Integradu Jestaun Krize (SIJK) rejistu kazu foun hamutuk 16, iha Dili 14 no munisipiu seluk iha nain 2. "Kazu...

Membru F-FDTL Foun Ida Halai Lakon

DILI, STLNEWS.co - Membru foun FALINTIL Forsa Defeza Timor Leste (F-FDTL) ida ohin halai lakon iha sentru formasaun Metinaro tanba la augenta ho instrusaun...

Maromak La Dukur Ba Nia Ema

DILI, STLNEWS.co - Maromak mak iha kbiit tomak sempre akompanha ema hotu iha tempu saida deit no nunka dukur ba ema, tanba ne'e presiza...