DILI, STLNEWS.co – Organizasaun neebe mak luta ba feto inklui mos governu liu husi Sekretariu Estadu Igualdade no Inkluzaun (SEII), no parte hotu nafatin luta hodi atinji igualdade jeneru, tanba ohin loron iha munisipal feto nia involvimentu sei menus.
Kestaun nee hatoo husi eis Prezidente Rede Feto, Judite Dias Ximenes, ba STL iha nia knaar fatin Kaikoli, Sabadu nee (06/08/2022).
Nia hatete, maski ohin loron feto nia involvimentu iha politiku, liu-liu iha Parlamentu Nasional liu ona kouta 30%, maibe iha munisipiu sei menus. Tanba nee parte hotu nafatin luta ba oin, oinsa bele atinji husi nasional too iha munisipal no suku sira.
“Neebe hau husu ba feto sira mos nafatin forsa, tanba dala barak mane sira uza kultura patriarkal hodi taka dalan ba ita, maibe ita feto sira nee barani hodi ajuda governu nunee bele atinji igualdade jeneru, se ita feto mak la barani no laiha korajen atu ba oin, signifika ita mos la bele kontribui ba atinji igualdade jeneru,” dehan nia.
Kontinua ba pajina 2
