Presiza Manutensaun Ba Jardin Iha Dili

DILI, STLNEWS.co – Membru Parlamentu Nasional husu ba governu atu halo manutensaun ba jardin sira neebe eziste iha kapital Dili, tanba jardin barak husik abandona hela, foer nakonu no laiha atensaun husi governu.

“Ami husu ba governu atu toma atensaun ba jardin sira neebe eziste iha kapital Dili, tanba jardin sira nee ita gasta ona osan boot hodi harii, tanba nee husu ba govenru atu fo importansia, oinsa halo manutensaun neebe diak, tanba jardin sira nee estabelese iha kapital Dili,” kestaun nee fo sai husi Deputadu David Dias Ximenes, liu husi sesaun plenaria Segunda nee (11/10/2021) iha PN.

Nia katak, lolos nee governu tenke kria politika neebe diak hodi halo manutensaun, no tau mos seguransa iha jardin sira nee, atu nunee bele garante nafatin kondisaun no mos kebersihan iha jardin sira nee.

Iha fatin hanesan, Deputada Elvina de Sousa hatutan, governu tenke fo duni atensaun ba jardin iha kapital Dili, tanba Dili hanesan sidade nasaun ida nee nian, tan nee presiza kria kondisaun neebe diak ba jardin sira nee.

“Ita haree jardin barak mak governu husik abandona hela, maibe fiar katak ho prezidente autoridade munisipiu foun bele toma atensaun urjentemente ba ita nia jardin sira nee,” dehan nia.*

Reportajen: Madalena Horta/Domingas Soares

Editor: Domingas Soares

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 20 Outubru: Kazu Foun Hamutuk 16

DILI, STLNEWS.co - Ohin loron Sentru Integradu Jestaun Krize (SIJK) rejistu kazu foun hamutuk 16, iha Dili 14 no munisipiu seluk iha nain 2. "Kazu...

Membru F-FDTL Foun Ida Halai Lakon

DILI, STLNEWS.co - Membru foun FALINTIL Forsa Defeza Timor Leste (F-FDTL) ida ohin halai lakon iha sentru formasaun Metinaro tanba la augenta ho instrusaun...

Maromak La Dukur Ba Nia Ema

DILI, STLNEWS.co - Maromak mak iha kbiit tomak sempre akompanha ema hotu iha tempu saida deit no nunka dukur ba ema, tanba ne'e presiza...