Presiza Salariu Dignu Ba Jornalista

DILI, STLNEWS.co – Loron 3 fulan Maiu hanesan loron neebe mak importante ba jornalista, no iha loron nee Rede Observador Nasional Elisaun Timor-Leste (RONETIL) husu governu liu husi SeKretario Estadu Komunikasaun Sosial (SEKOMS), nunee mos nain ba media hotu atu tau salariu neebe mak dignu ba jornalista tanba sira nia serbisu lahatene oras. Kestaun nee hatoo husi fundador RONETIL, Laurentino Alves ba STL iha nia knaar fatin Farol, Segunda (03/04/2021).

Nia hatete, jornalista nia servisu kobre ba iha fatin hotu maibe jornalista maioria salariu sei minimu. “Haree ba iha proporsionalidade servisu jornalista sira nian neebe kobre iha fatin hotu-hotu, servisu lahatene oras no la sente kolen, maibe realidade hatudu jornalista sira maioria sei simu vensimentu ou salariu minimu. Nunee RONETIL hakarak rekomenda ba governu liu husi Sekretariu Estadu Komunikasaun Sosial (SEKOMS) hodi fo atensaun ba oinsa hadia salariu ba jornalista sira ho dignu. Tanba jornalista hanesan mos pilar importante ida iha kontekstu konstrusaun estadu hodi disemina informasaun ba publiku, husi nivel nasional too area rurais,” hatete nia.

Nia mos hatoo mensajen importante mos ba redasaun media hotu-hotu iha Timor Leste, presiza tau ona importansia ba futuru hodi hadia fornesementu salariu neebe iha balansu ho prestasaun servisu kada jornalista ida-idak, bazeia ba avaliasaun dezempeno husi ekipa avaliador media ida-idak ninian.*

Reportajen: Emerenciana Pinto/Guilhermina Franco
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Sakoko Involve Aan Iha Mundu Filme

BAUCAU, STLNEWS.co - Kombatentes Albino da Silva Kodigu Sakoko, involve aan iha mundu filme hamutuk ho joven Teatru Tebedai (FILTEDA) Baucau, halo produsaun filme...

Estrada Kotu Total, Ameasa Sede Suku Libagua

BAUCAU, STLNEWS.co - Relasiona ho tempu udan iha loron 4 fulan Abril liu ba, estrada diresaun Larifanu too Igreja Samalari kotu total, hodi fo...

Kondutor Kestiona Ema Menus Sosa Rai Henek

DILI, STLNEWS.co - Kondutor hirak neebe lori kareta baskulante, neebe iha area Fomentu, sira kestiona kada loron ema sosa rai henek menus hela deit. "Kada...
%d bloggers like this: