Prevene Corona, Tenke Kontrola Fronteira

Tuir informasaun neebe fo sai katak, Covid-19 iha nasaun vizinu Indonezia seidauk remata, tanba nee atu prevene moras Corona virus labele tama mai Timor Leste, governu tenke kontrola masimu iha area fronteira terestre. (Foto: STL/Carme Ximenes)

DILI, STLNEWS.co – Tuir informasaun neebe fo sai katak, Covid-19 iha nasaun vizinu Indonezia seidauk remata, tanba nee atu prevene moras Corona virus labele tama mai Timor Leste, governu tenke kontrola masimu iha area fronteira terestre.

Tuir eis deputadu iha primeiru Lejislatura, Leandro Isaac katak, governu presiza kontrola ho masima responsabilidade no la bele iha toleransia, ba se-se deit kiik ka boot, sivil, militar ka polísia neebe halao viajen husi Indonezia mai rai laran, para bele evita moras Corona virus labele hadaet ba ema seluk.

“Tuir informasaun neebe ita rona iha midia katak Covid-19 nee iha Indonezia seidauk remata, tanba nee husu ba governu atu halao kontrolasaun neebe masima iha area fronteira trestres, atu nunee ema neebe tama mai labele lori ho moras nee mai hodi hadaet ba ema seluk,” dehan Leandro, iha Lecidere, Tersa (10/11/2020).

Leandro mos hatutan, bainhira ema neebe halao viajen husi Indonezia mai Timor Leste primeira regra, tenke tama kuarenta iha fatin neebe deit no halao teste. atu nunee bele hatene sira hetan moras nee ka lae.

“Kuarente nee obrigatoriu no ba se-se deit, atu nunee bele hatene sira hetan moras nee ka lae,”Leandro afirma.

Maibe nia dehan Estadu tenke fo meius hotu hotu ba aparatu iha linha oin hanesn Saude, UPF, F-FDTL, Alfandega no kolaboradores seluk seluk tan hodi sira bele halao obrigasaun servisu nian, sem ke sira tenke preokupa ho familia ka parentes sira iha uma.

Leandro hatutan Estadu mos tenke hanoin ona, oinsa partisipasaun hodi fahe responsabilidade finanseira ba sidadaun hotu hotu no estranjeirus, atu nunee Estadu Timor Leste hases an husi sistema paternalistiku.*

Reportajen: Carme Ximenes
Editor: Ekipa STL

LEAVE A REPLY

Please enter your comment!
Please enter your name here