Prezidensia Republika Apoiu Material Ba Kapela Assi

ERMERA, STLNEWS.co – Prezidensia Republika apoiu sementi saka 40 no mangeira hodi halo kruz boot iha kapela Assi, Aldeia Assi, Suku Haupu, Postu Administrativu Letefoho, Munusípiu Ermera. Kapela refere pertense ba iha komunidade Aldeia Assi, Hatuhou no Manukatileten.

Serimonia entrega ekipamentu hirak nee, dirije husi Xefe Casa Civil Prezidensia Republika Francisco Maria de Vasconcelos no akompana husi Ministru Administrasaun Estatal Miguel do Carvalho no Autoridade Ermera.

Antes entrega material, Xefe Casa Civil tatoli uluk mensajen, Prezidente Republika Francisco Guterres Lú Olo nian hodi hatutan ba komunidade sira katak, Prezidente Republika nia domin no hakoak-boot ba komunidade sira hotu.

Tanba Prezidente Republika Lu Olo nia komprimisu katak “Prezidente ba Povu Tomak” tanba nee uitoan ka barak Xefe Estadu tau matan ba povu, tanba kada loron iha semana-semana, Xefe Estadu koalia ho governu mak Primeiru Ministru hodi haree povu nia dezenvolvementu.

“Maun-alin sira, buat kiikoan liu hanesan liman-kukun deit mak oferese mai iha ne’e (sarani kapela Assi) sementi uitoan no mangeira tulun ita-boot sira, ita-boot sira mak tenke hakaas-an liu. Ami fó apoiu uitoan para ita-boot sira serbisu maka’as liután,” informa Xefe Casa Civil Francisco Maria de Vasconcelos liu husi Mensajen PR, Domingo nee (04/07/2021).

Tanba nee, ba inan-aman sira, liuliu agrikultor, hotu-hotu esforsu hodi hadia estadu liu husi kontribuisaun ida-idak hadiak uluk nia rain. maibe tenke hamutuk hadia rai Timor Leste hahu husi hadia uluk nia-an.

Xefe Casa Civil agradese ba resesaun husi komunidade, tanba nakonu ho domin maski iha sofremente oin-oin, maibe ida nee mak hatudu timoroan nia sentimentu ba malu ho dignidade.

Komunidade agradese ba vizita no apoiu uitoan neebe mak oferese ona ba sira. Iha oportunidade nee sira hatoo mos kondisaun neebe sira hasoru durante ukun-an. Hanesan: estrada, eletrisidade, bee mos neebe mak too ohin loron komunidade aldeia Assi, Hatuhou no Manukatileten hasoru.

Komunidade sıra agradese tebes, durante ukun seidauk iha ukun nain ida mak vizita, maibe iha tinan 2021, nuudar tempu osan-mean ba sira, hodi simu Xefe Casa Civil Prezidensia Republika no Ministru Administrasaun Estatal.

Ho konsientemente Ministru Administrasaun Estatal Miguel de Carvalho, reafirma katak sofrementu neebe mak iha, kuaze iha hanesan iha teritoriu Timor-Leste.

Maske VIII governu iha planu neebe diak maibe iha impedementu oin-oin neebe Timor-Leste hasoru hanesan pandemia mundial Covid-19 neebe sei kontinua sai ameasa boot, no dezastre naturais neebe estrada dezenvolvimentu barak.

Ministru nee justifika katak, VIII governu sei esforsu hodi hadiak nafatin povu nia sofrementu ba estrada, eletrisidade, bee-mos. Tanba area hirak nee, nuudar baze hodi fasilita hadiak komunidade nia moris iha area sosial no ekonomia.

Maske Prezidensia Republika laos orgaun ezekutivu, maibe iha vontade hodi solidariza apoiu tuir kbiit no kapasidade, hodi hakmaan komunidade sira.*

Reportajen: Emerenciana Pinto
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 20 Outubru: Kazu Foun Hamutuk 16

DILI, STLNEWS.co - Ohin loron Sentru Integradu Jestaun Krize (SIJK) rejistu kazu foun hamutuk 16, iha Dili 14 no munisipiu seluk iha nain 2. "Kazu...

Membru F-FDTL Foun Ida Halai Lakon

DILI, STLNEWS.co - Membru foun FALINTIL Forsa Defeza Timor Leste (F-FDTL) ida ohin halai lakon iha sentru formasaun Metinaro tanba la augenta ho instrusaun...

Maromak La Dukur Ba Nia Ema

DILI, STLNEWS.co - Maromak mak iha kbiit tomak sempre akompanha ema hotu iha tempu saida deit no nunka dukur ba ema, tanba ne'e presiza...