Prezidente CNE Husu Parpol Labele Hetan Osan Husi Ema Estranjeiru

DILI – Tuir lei numeru 2/2016, lei partidu politiku nian katak partidu politiku sira hotu neebe mak oras nee ejiste iha Timor Leste, sei labele hetan osan husi ema estranjeiru hanesan kompania estranjeiru no kompania operador iha Timor Leste.

Informasaun nee fo sai husi Prezidente Komsiaun Nasional Eleisaun (CNE), Alcino Barris ba jornalista sira iha edifisiu CNE, Caicoli-Dili, Kuarta (05/10/2016).

Partidu politik sira labele hetan osan husi ema estranjeiru ou husi kompania sira husi estranjeiru. Partidu politiku sira labele hetan osan husi empresas publiku sira opera iha ita nia nasaun ida nee, partidus politiku sira labele hetan osan husi projetu no mos husi estadu,” dehan Alcino.

Prezidente CNE haktuir, tanba iha lei partidu politik neebe revoga ona lei anterior, regulariza ona ho rigoroju konaba proibisaun ba partidus politiku sira tanba nee sira atu hakarak atu harri partidu sira tenke iha osan rasik.

Nia hatete, kada tinan Governu aloka osan 6 miloens ba partidu politiku neebe mak hetan iha asentu parlamentar tuir kadeira idak-idak nian, depois kadeira ida hirak mak multiplika ba 25 hira, multiplika ba 8 hira no multiplika 2 nee hira, idak-idak hetan tuir nia kadeira.

Iha fatin ketak, Prezidente Partidu Frenti-Mudança dehan, partidu Frenti-Mudança prontu atu koopera ho desizaun CNE nian katak atu aprezenta konta bankaria ba CNE. Informasaun kompletu iha STL Jornal no STL Web, edisaun Kinta (6/10/2016). Raimundo S. Fraga

 

LEAVE A REPLY

Please enter your comment!
Please enter your name here