Prezidente CNJTL Ladun Konkorda Juventude Inklui Aktu Krime

Prezidente Konsellu Nasional Juventude Timor Leste (CNJTL), Maria Dadi Magno. (Foto: Espesial)

DILI, STLNEWS.co – Prezidente Konsellu Nasional Juventude Timor Leste (CNJTL), Maria Dadi Magno hatete nia ladun konkorda bainhira iha estetmentu balun neebe dehan katak juventude barak mak inklui iha aktu krime.

Prezidente Konsellu Nasional Juventude Timor Leste CNJT hatoo lamentasaun nee ba jornalista iha palasiu Prezidente Bairru Pite, Sabado (27/02/2021).

“Hau ladun konkorda bainhira iha estetmentu ida katak juventude nee barak mak inklui iha aktu krime, tanba idade joven 15-24, se ita atu koalia polítika nasionál juvetude, kontestu Timor Leste, ita mos rekonese katak idade joven nee dala ruma 35 mos sei joven tanba ho vizaun ida sei joven hakarak atu kontribui,” dehan Dadi.

“Konseitu ida joven mak sai impede ba situasaun sira nee, autor ba krime CNJTL hanoin ida nee konseitu ida neebe ladun loos tanba joven ida individu la aprezenta joven ida hotu nian, se joven ida, sidadaun ida nia la reprezenta metade joven sira neebe iha Timor, hau hanoin ida nee la loos.” Hatete nia.

Nia hatutan tanba sa mak istigma nee tuda ba joven tanba maioria joven, CNJTL hanoin problema neebe joven sira hasoru problema ida neebe estadu tenke responsabiliza nia kauza mak nee bainhira krime nee mosu ida familia tenke responsabilidade, sosiadade tenke responsabilidade, liu-liu joven nee rasik.

“Ita tenke hatene, tanba sa mak krime nee mosu nia kauza nee tenke hatene, hau hanoin buat barak neebe ita haree katak ita liga uitoan ba arte marsiais balun dehan arte marsiais, hau hatene katak doutrina arte marsiais nee la hanorin ema individu ida atu halo violensia satan krime nee aktus neebe individu ida tenke responsabiliza,” hatete nia.

Dadi hatutan se nia halo krime, hanesan sidadaun ida tenke hatan hanesan krime, CNJTL hanoin labele fo kulpa ba joven jeral, joven barak neebe prestasaun barak, so ladun fo espasu ba sira atu sira espresa sira nia talentu sira nee.
Nia mos rekoinese katak involvimentu joven ba iha dezenvolvimentu nasional sei menus tebes maibe iha joven barak mos foti desizaun ba aan, barak mos espresa sira nia talentu sira nia matenek sira nia amizade haree Situasaun real neebe iha.

Antes nee Sekertariu Estadu no Desportu (SEJD) Abrão Saldanha mos hatete nia la konkorda bainhira publiku akuza joven mak autor prinsipal ba konflitu.

Oras nee joven barak maske hasai ona lisensiatura iha Universidade maibe laiha kampu trabalho entau barak deside hodi buka moris iha rai liur hanesan Inglatera, Australia, Korea hodi hetan osan hodi sustenta fali familia sira.*

Reportajen: Emerenciana Pinto
Editor: Ekipa STL

LEAVE A REPLY

Please enter your comment!
Please enter your name here