Prezidente Republika Tau Fiar Ba Governu

Prezidente Republika, Francisco Guterres Lú Olo tau fiar ba governu, atu nunee bele halo desizaun ruma hodi fo resposta imediata ba situasaun agora. (Foto: STL/Emerenciana Pinto)

DILI, STLNEWS.co – Prezidente Republika, Francisco Guterres Lú Olo tau fiar ba governu, atu nunee bele halo desizaun ruma hodi fo resposta imediata ba situasaun agora.

“Saida mak Prezidente Republika hatete, liu husi nia mensajen zatamente PR mai reafirma ida nee ninia apoiu tomak ba Governu, atu kontinua halo nia knaar hanesan Governu hanesan orgaun soberanu realmente Premeiru Ministru, Governu nee rasik durante tempu nee laos nia tuur hakmatek deit sira hola desizaun ruma atu fo resposta imediatu lalais ba situasaun ida ba agora dadaun,” dehan Xefe Estadu ba jornalista, iha Farol, Dili, Kinta (08/04/2021).

Xefe Estadu dehan, nunee mos ba refujiadu agora governu foti desizaun saida mak governu foti para bele hakmaan sira nia moris, nunee mos levantamentu de dadus neebe mak iha oinsa mak bele rekopera ou hadia atu bele establiza fila fali.

Iha biban nee mos Prezidente Republika hatete, ohin Premeiru Ministru ho Vise Ministru nain rua mai hasoru malu ho Prezidente Republika iha ninia rezidensia rasik, tanba Palasiu Prezidensial foin dadaun hetan hotu inundasaun tahu sei nakonu tanba nee mak sei halo hela limpeza vervalmente semana ida tan mak bele hotu.

“Enkontru nee hanesan enkontru hanesan babain semanal neebe mak mai halo fali iha uma ami trata assuntu balun, neebe mak Premeiru Ministru ho Vise Ministru nain rua mai trata ho Prezidente Republika zatamente konaba situasaun neebe mak agora dadaun ita ultrapasa, neebe hau laiha buat ida atu adianta tan ba ida nee,” hatete PR, Lú Olo.

Iha fatin hanesan Primeiru Ministru, Taur Matan Ruak hatutan, nee enkontru semanal ho Prezidente Republika hodi hatoo assuntu rua.

“Nee enkontru semanal hanesan ita boot sira hatene Kinta ho sua Exelensia Prezidente Republika, ohin ami informa buat ruma premeiru lugar ami informa konaba dezastre naturais konsekuensia sira neebe mak ita hotu hatene durante loron hirak nee nia laran, no medidas saida mak governu toma atu halo para minimiza nomos normaliza fali situasaun.” hatete PM.

No assuntu segundu informa mos situasaun konaba Covid-19 tanba horiseihk hahu halo vasina nee sinal ida diak, governu kontinua halo esforsu atu nunee bele hetan tan vasina ba sidadaun sira.

“Hanesan hodiseik hau dehan ate tinan ida nee remata pelumenus maior parte ou Timor oan sira bele hetan vasina hotu” tenik nia. *

Reportajen: Emerenciana Pinto
Editor: Ekipa STL

LEAVE A REPLY

Please enter your comment!
Please enter your name here