Primeira-Ves TL Destrui Droga 160 Tonelada

Timor Leste ukun an besik tinan 20, maibe foin primeira-ves, destrui droga ho kuantidade 160 toneladas, neebe deskonfia boot liu iha Azia. Kestaun nee hatoo husi Ekipa Kordenador Konjuntu Destruisaun Material Droga, Dr. Lidia Soares ba jornalista, iha Destruisaun Loes, Kinta, (10/09/2020). (Photo: STL News/Claudios de Jesus)

DILI, STLNEWS.co – Timor Leste ukun an besik tinan 20, maibe foin primeira-ves, destrui droga ho kuantidade 160 toneladas, neebe deskonfia boot liu iha Azia.
Kestaun nee hatoo husi Ekipa Kordenador Konjuntu Destruisaun Material Droga, Dr. Lidia Soares ba jornalista, iha Destruisaun Loes, Kinta, (10/09/2020).

Nia hatete, ekipa laboratorium sira informa katak, atu hamate nia kimiku nee persiza manas 400 grau Celcius, maibe material bazikus nee kuantidades hamutuk 160 toneladas.

“Agora dadauk ami mai nee ho primeira faze, maibe tuir planu see too segundu faze, tanba iha Timor foin primeira-ves halo ida,” dehan Lidia.

Lidia hatutan destruisaun nee boot liu iha Azia no ema barak maka iha interese, tanba nee bainhira halo destruisaun organizasaun tenke metin. Parasetamol, korisprodol no korisprodol bele sai droga kuandu tuir nia kimia.

“Primeiru etapa ami husu atu ambiente ho ekipa laboratorium hodi hare kona ba kimika nian, mai hodi hatudu no identifika fatin no fo kriteria saida maka tenke prense” hatete Lidia.

Nia afirma tuir ambiente halo destruisaun tenke dok husi komunidade, labele besik ho mota. Kona ba medida husi rai koak husi ekipa teniku sira preepara nia luan 7 metru no naruk 6 metru.

“Hahu husi preparasaun too ami eskola, antes nee iha preparasaun rua, ida utiliza makina neebe instala iha Hospital Nasional Guido Valadares (HNGV) no segundu maka sunu nee” nia salienta.
Nia dehan, kona ba ezekusaun destruisaun nee Ministeriu Publiku ho entidade lubuk ida mak envolve hanesan Instutu Kestaun ba Ekipamentu, Bombeirus, PNTL, PSIK ho pesoal sira husi Ministeriu Publiku. Servisu nee mos halao hamutuk ho parte SAMES no ambiente.

Reportajen: Cladios Jesus
Editora: Carme Ximenes

LEAVE A REPLY

Please enter your comment!
Please enter your name here