DILI, STLNEWS.co – Ema neebe tau prioridade ba sasan mundu nia, sei la soi ba Maromak, tanba nee Jesus bolu ema hotu lao hamutuk ho nia.
Lia hirak nee hatoo husi Amu Selebrante, Padre Gregory Minz, liu husi omilia iha selebrasaun misa dader iha kapela Soferdy Kuluhun, Kuarta (04/10/2023).
Nia hatete, Maromak mak halo milagre no buat hotu, hanesan mos iha semana tomak halo toos boot, maibe servisu nain oituan deit, no bolu ema atu tuir Jesus, maibe ema sempre responde neebe mak la hanesan.
Padre afirma, Jesus konvida ema barak no ema barak responde hakarak tuir Jesus, maibe ho kondisaun, maibe jesus dehan ba sira manu sira iha lalehan, no asu fuik sira iha kuak laiha fatin sadere ulun ba, maibe sei moris.
“Primeiru ita haree katak oinsa Maromak nia reinu importante liu husi mundu nia kontestu, karik ita fo ulun ba mundu nia hakarak no nia hahalok nee ita lasoi ba Maromak nia hakarak, ba Maromak laiha tempu pasado, Futuru no tempu Maromak nia mak serbisu, se ema la responde mak sei la responde liu. Hanesan mos baihira jesus konvida ema ida atu ba, hatan katak nain hau hakoi lai hau aman mak hau tuir, Jesus hatan husik matebian sira hakoin nia maluk matebian, katak ema nee prioridade liu ba mundu nia,” katak nia.
Padre husu sarani sira diak liu tau prioridade ba iha Maromak labele tau prioridade ba buat neebe mak mundu nia neebe lori ema ba sala.
Nia hatutan, Maromak nia reinu no maromak loron kalan servisu, no maromak laiha tempu pasado, no futuru, maibe importante mak agora Maromak servisu no esperitu santu esforsu, no Maromak hakarak ema sai instrumentu lo-loos fo aan tomak sai Jesus nia eskolante.
Iha biban nee, padre mos husu sarani sira, katak diak liu hakbesik aan ba Maromak, no tau prioridade ba maromak hodi hetan grasa no labele tau prioridade ba hahalok no sasan mundu nia sei halo ema lahetan grasa husi esperitu santu.
(eme)
