Prizaun Becora Loke Hikas Atividade Vizita

DILI, STLNEWS.co – Relasiona ho desizaun governu liu husi Konsellu Ministru (KM) iha loron 8 fulan Setembru, hakotu Konfinamentu Obrigatoriu (KO) jeral ba Munisipiu Dili, ho nunee prizaun Becora loke hikas atividade vizita ba dadur sira.

Tuir Diretor Prizaun Becora Joao Domingos katak, estabelesimentu prizional Becora husu premisaun ba Ministru Justisa, atu loke atividade vizita familia ba populasaun prizional nee.

“Estabelesimentu prizaun Becora hahu simu fali atividade vizita familia, ba maluk populasaun prizional sira tuir orariu neebe iha,” dehan Domingos ba STL, Kuarta nee (15/09/2021).

Nia hatutan, vizitante sira mos tenke halo tuir instrusaun neebe iha hanesan, vizitante sira tenke aprezenta prova indentidade neebe validu, hanesan kartaun eleitoral, billete indentidade no passaporte.

Nunee mos, vizitante sira tenke aprezenta kartaun vasina atu prevene an husi pandemia neebe iha, no permiti deit vizitante nain sanulu atu hasoru populasaun prizional nain sanulu.

Tuir dadus neebe iha, dadur prizaun Becora ba prizaun kondenadu hamutuk nain 406, prizaun preventiva 111, no dadur hamutuk 517.*

Reportajen: Terezinha De Deus

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Horta Husu Komunidade Fo Resposta Los Ba Ajente Enumerador

DILI, STLNEWS.co - Prezidente Republika (PR), José Ramos Horta, husu ba komunidade sira atu fo resposta neebe los ba ajente enumerador sira neebe halo...

Kazu Droga TDD Aplika Medida AP Ba Arguidu Nain 9

DILI, STLNEWS.co - Tribunal Distrital Dili (TDD) iha loron Segunda nee (15/08/2022) liu husi despaisu ikus ba prosesu primeiru interogatoriu (AP), desidi aplika medida...

Governu Lansa Sensus Populasaun & Uma Kain 2022

DILI, STLNEWS.co - Governu liu husi Ministeriu Finansas (MF) Segunda nee ofisialmente lansa sensus populasaun no uma kain iha tinan 2022 nee. Iha fulan Marsu...