Problema Estudante TL Iha Filipina

Xefe Bankada PD, Antonio da Conceição. (Foto: Facebook)

DILI, STLNEWS.co – Xefe Bankada PD, Antonio da Conceição husu Ministeriu Negosiu Estranjeiru no Koperasaun (MNEK) no Ministeriu Ensinu Superior, Siensia no Kultura (MESSK) presiza klarifika eskritu ba Parlamentu Nasional (PN) sobre estudantes Timor Leste iha Filipina.

Tuir informasaun neebe nia parte rona, estudantes sira iha neeba, tau osan hamutuk hodi selu aviaun fila fali mai Timor Leste (TL).

“Hau husu ba ministeriu rua nee presiza halo klarifikasaun eskritu konaba posizaun governu relasiona estudantes reptriasaun iha Filipina. Agora sira atu tau osan hamutuk hodi aluga aviaun mai fali TL. Hau husu responsabilidade governu. Governu presiza halo justifikasaun ba problema ida nee,” hatete Antonio da Conceição iha plenaria PN, Segunda (19/10/2020).

Iha fatin hanesan membru Bankada CNRT, Virgina Ana Belo hatete, estudantes iha Filipina atu fila fali mai nee, tuir nia hanoin urjenti teb-tebes. Governu tenki buka solusaun ba problema ida nee. Membru Bankada Frente Mudansa (FM), Isabel Ximenes mos hatoo kestaun hanesan.

Iha diskusaun OJE 2020, MNEK hatete, problema estudante sira iha railiur rezolve hotu ona. Falta deit teknikamente. Maibe MNEK koalia deit, derpenti mosu fali desizaun ida dehan, labele. “Halo favor ministru relevante tenki fo esplikasaun klaru ba problema ida nee,” hatete Isabel Ximenes.*

Reportajen: Natalina Lopes
Editor: Ekipa STL

LEAVE A REPLY

Please enter your comment!
Please enter your name here