Profesores Kontratu Ezije Tama Ingresu Espesial

DILI, STLNEWS.co – Ohin profesores kontratu 2023 reprezenta husi munisipiu mai halo konferensia imprensa, hodi ezije ba Ministeriu Edukasaun (ME) tama ba ingresu espesial.

Haktuir profesor kontratu Agostinho Pinto katak, husu ba ME atu trata sira hanesan, oinsa profesores kontratu 2023 nee bele tama hotu ba iha ingresu espesial ninia, kuandu sira la tama, sira sei organiza malu halo manifestasaun hasoru ME.

“Profesor ohin nee reprezenta munisipiu mai hotu, kuandu ba oin Ministeriu Edukasaun la rekonhese profesor kontratu sira la tama ingresu espesial nafatin, ami sei organiza malu halo manifestasaun hasoru Ministeriu Edukasaun iha fulan Dezembru nia laran, tanba ministra no sekretariu estadu aplika politika deskrimanativu,” dehan Agostinho Pinto hanesan profesor kontratu ba STL, Segunda nee (27/11/2023).

Tuir Agostinho, sira ezije tama ingressos tanba decreto lei no.31/2023, de 31 de Maio konaba estatutu kareira ba professor sira nian fo ba sira tama ingresos spesial, ho ida nee sira husu ME atu trata sira hanesan ho profesores kontratu tuan sira.

“Iha artigo 11 konaba ingresu spesial la spesifiku deit ba profesores kontratadu husi tinan 2013 too 2022 deit, maibe iha neeba hateten mos katak ingresu spesial ba profesores kontratadu hotu inklui profesores sira neebe asina kontratu iha tinan 2023,” nia haktuir.

(jac)

LEAVE A REPLY

Please enter your comment!
Please enter your name here